EZabbuli 26:10 - Bbaibbuli y'oLugwere

¹⁰ Ibo abo omu ngalo gyabwe mulimu ntegeka gya bubbibubbi, era babba mu kulya nguzi bulijo.

EZabbuli 26:10 ပူးပေါင်းရင်းမြစ်များ

EZabbuli 10:14

Neye iwe, Kibbumba obona ebigosi nʼenima, era weetegekere okubbeera. Abo abanambulaku obubbeeri beewaayo giri niiwe, bulijo niiwe obbeera abafuubbi.

EZabbuli 11:2

Olwʼokubba ababbibabbi bategere obulaso bwabwe, beebisire omu ndiikirya nʼobulaso bwabwe, nga bataka okulasa abalongoole omu myoyo.

EZabbuli 36:4

Nʼowaabba oku buliribwe, afumintiriza kukola bibbibibbi. Yeekanyangulira mu mpisagye embiibbi, nandi nʼacaawa ekibbikibbi.

EZabbuli 52:2

Osala enkwe okujigirica abandi, ebibonobyo bisala ooti kamweso akoogi, bulijo oyiiya ebyʼobubbeyi.

OKuzwa 23:8

“Tiwaikiriryanga okukuwa enguzi, olwʼokubba enguzi eyofuwalya abantu ni batayezya okubona ekituuce, era ni baliibya ebibono byʼabantu abanambulaku omusango.

ENgero 1:16

olwʼokubba tibeezizya okukola ekibbikibbi, babba bategeki kusuka musaaye.

ENgero 4:16

olwʼokubba tibagona okutoolaku nga bamalire okukola ekibbikibbi. Tibatoola ondoolo, paka nga waliwo ogubatuuciryeku akabbikabbi.

Bikole 23:12

Eizo makeezi, aBayudaaya ni bakumbaana ni basala olukwe okwita oPawulo, era ni beerairira nʼokwerairira okutalyaku kantu konakona ooba okunywaku okutoolaku nga bamalire okumwita.

AMateeka 16:19

Timwabbanga abatali benkanya waire abeekubbira omu nnamula yaanywe, era timwalyanga enguzi, olwʼokubba enguzi eyofuwalya omuntu omulabuki, era ereetera omutuuce okugotesya ensonga.

1 Samwiri 8:3

Neye abataanebe abo nandi babba ngʼoitewaabwe oweyabbaire, ni balulunkaniranga mpiiya na kulya nguzi, nandi ni balamulanga emisango omu bwenkanya.