EZabbuli 26:1 - Bbaibbuli y'oLugwere

¹ Oo Musengwa, olangirire ngʼowembulaku omusango, olwʼokubba mpaawo kibbikibbi ekinkolanga, era neesiga niiwe Musengwa anambula kubuusabuusa.

EZabbuli 26:1 ပူးပေါင်းရင်းမြစ်များ

EZabbuli 121:3

Tiyakulekenge okugwa, Iye oyo akukuuma tiyawongerenge.

EZabbuli 15:2

Niiye oyo onambulaku ekyokumunenya, akola ebituuce, era atumula ebyʼamazima.

EZabbuli 21:7

Okabaka yeesiga oMusengwa. Era olwʼekisa kyʼoyo oNambulaku aMwagaagana, iye tasagaasagana.

EZabbuli 25:2

Oo Kibbumba wange, niiwe oguneesiga, tiwandeka ni nswala, tiwaganya abalabe bange okumpangula.

EZabbuli 25:21

Obusa bwange nʼamazima gange binkuumenge, olwʼokubba niiwe oguneesiga.

EZabbuli 26:11

Neye nze nkola kiidi ekituuce. Onkwatire ekisa onnunule.

EZabbuli 28:7

OMusengwa niiye ampa amaani, era niiye engabo yange. Mmwesiga nʼomwoyo gwange gwonagwona. Ambeera era omwoyo gwange ni gwizula eisangaalo, era ni nnyemba okumuwuuja.

EZabbuli 31:14

Neye, nze neesiga niiwe Musengwa, era nkoba nti, “Niiwe oKibbumba wange.”

EZabbuli 35:24

Oo Musengwa, iwe oKibbumba wange, ngʼobwoli mutuukirirye olangirire ngʼowembulaku omusango, era tiwaganya abalabe okwegooŋa oku lwange.

EZabbuli 37:31

Akwata amateeka ga Kibbumbawe omu mwoyogwe, era taliiba okugazwaku.

EZabbuli 4:5

Muweeyo esadaaka egisaanira, era mwesige oMusengwa.

EZabbuli 43:1

Oo Kibbumba, olangirire ngʼowembulaku omusango, era ondwanirire eeri abantu abatakutya, Onnunule eeri abo ababbeyi era ababbibabbi.

EZabbuli 54:1

Oo Kibbumba, onnunule ngʼokolesya obwezye bwʼeriinalyo, okolesye obwezyebwo ontaase!

EZabbuli 62:2

Niiye yenkani eibbaale lyange omu neebisa era omununuli wange. Niiye olugaga lwange, era tinabbeerengeku nakimo nʼokutya.

EZabbuli 62:6

Niiye yenkani eibbaale lyange omu neebisa era omununuli wange. Niiye olugaga lwange, era naabbanga mucaati.

EZabbuli 7:8

Musengwa, niiwe alamula abantu bonabona. Oo Musengwa olamule omusango gwange nsinge, olwʼokubba mpaawo kibbikibbi ekinkolere.

EZabbuli 94:18

Owenakobere nti, “Ntyerera,” Musengwa okutakakwo okutakoma, kwampaniriire.

ENgero 20:7

Omutuukirirye atambulira omu bwomi obunambulaku ekyʼokubunenya, eibyairerye libba lyʼenkabi.

ENgero 29:25

Okutya abantu mutego gwʼakabbikabbi; neye eyeesiga oMusengwa, abba nʼeidembe.

2 Abʼe Kolinso 1:12

Atyanu iswe ekituleetera okwenyumiriza niikyo kinu kiti: Omu myoyo gyaiswe tukakasa tuti, eneebitya yaiswe omu bantu era okukirira nakimo enkolagana yaiswe na inywe eriwo mu butuukirirye nʼomu mazima ebizwa eeri oKibbumba. Ebyo titubikolere mu malabuki gʼabantu-buntu, neye lwʼekisa kya Kibbumba ekiri na iswe.

AbʼEbbulaniya 10:23

Tukalangukire oku suubi ogutukobera abantu era nga tituyuugayuuga, olwʼokubba oKibbumba eyasuubizire, iye mwesigwa.

1 Peetero 1:5

Enkabi egyʼamaani egyo gyanywe. Era olwʼokwikirirya kwanywe, amaani ga Kibbumba gabakuuma kusani okubatuuca oku kununula kwʼebintu byonabyona, ikwo okutegeke okweragira nakimo oku lunaku oKibbumba oluyalisaliraku abantu emisango.

2 Peetero 1:10

Nʼolwekyo boluganda, mwefudengeku ino nʼamaani okubonera nakimo muti, okweta oKibbumba okuyabeetere inywe, nʼokulonda okuyabalondere inywe kutuukirira. Era ekyo kityo olwʼokubba singa owemwakolanga mutyo, mubba timwalireka okwikirirya.

1 Samwiri 2:9

Alungamya ebigere byʼabo abamwesiga, neye ababbibabbi yalibaita ni baserengeta e magombe.” “Omuntu tawangula lwa maanige;

1 Samwiri 24:15

Kale nsaba oMusengwa abbe mulamuzi, era alamule aakati wange na iwe. Alole omu nsonga yange ampozererye era nsaba nti annunule antoole omu bwezyebwo.”