EZabbuli 25:3 - Bbaibbuli y'oLugwere

³ Dala abakwesiga tiwalibaganya ni baswala, neye abo abʼenkwe obaleka ni baswala.

EZabbuli 25:3 ပူးပေါင်းရင်းမြစ်များ

ENtandiika 49:13

“Iwe Zebbulooni, eibyaireryo lyatyamanga kumpi nʼenyanza enene, eeyo e waabbanga omwalo emeeri egigituukira. Ensaloyo e mambuka yatuukanga paka mu kibuga e Sidoni.

EZabbuli 109:3

Bansukumulaku ebibono byʼobucaawi; bannumba anambula nsonga.

EZabbuli 119:78

Oleke abeekudumbalya baswale olwʼokunsibiriryaku; neye nze nafumintirizanga ku biragirobyo.

EZabbuli 123:2

Ngʼabaweererya obwebeesiga omusengwa waabwe, era ngʼabagalama abakali obwebeesiga omusengwa waabwe, swena niiye owetukwesiga Musengwa, iwe oKibbumba waiswe, paka owewalitukwatira ekisa.

EZabbuli 132:18

Abalabebe nalibaswaza, neye kwiye enguleye yalimasaamasa.”

EZabbuli 22:6

Neye ndi kinambulamu ooti igino, era mbulamu akabuntu. Abantu banjerega era nabuli muntu annyooma.

EZabbuli 27:14

Nʼolwekyo okuumirire oMusengwa, obbe mugumu, era oiremu omwoyo. Dala okuumirire oMusengwa.

EZabbuli 31:17

Oo Musengwa, nkusaba tiwaganya ni nswala, Neye oleke ababbibabbi baswale, Oleke basirinkirire e magombe.

EZabbuli 31:18

Obbuuneku eminwa gyʼababbeyi, abo abamalala era abʼeidumi abatumula okubbikubbi oku batuukirirye.

EZabbuli 33:20

Tukuumirira oMusengwa nga tuli nʼeisuubi mu niiye, iye atubbeera era engabo yaiswe.

EZabbuli 35:26

Oleke bonabona abegooŋa olwʼebigosi byange, ensoni gibakwate baswale era bacankalane. Era oleke bonabona abaneekudumbaliryaku, baizule ensoni baswaluke.

EZabbuli 37:34

Weesigenge oMusengwa, era ogonderenge ebiragirobye. Yalikugulumalya, nʼosikira ekyalo. Era walibona ababbibabbi nga babajigirica.

EZabbuli 6:10

Abalabe bange bonabona baliswala ni bibasobera, oKibbumba yalibabbingirira ni baaba mangu mangu nga baswaire!

EZabbuli 62:1

Omwoyo gwange gusunira ekiwuumulo mu Kibbumba yenkani. Obununuli bwange buzwa eeri niiye.

EZabbuli 62:5

Omwoyo gwange gusuna ekiwuumulo mu Kibbumba yenkani. Eisuubi lyange lizwa eeri niiye.

EZabbuli 69:4

Abancaawa anambula nsonga, bangi okukiraku enziiri gyʼoku mutwe gwange. Abalabe bange bangi abancaawa anambula nsonga, ibo banoonia kunjita, bankaka nʼokwirya ebinandi ni njibba.

EZabbuli 69:6

Abo abakwesiga tiwabaganya okuswaluka oku lwange, Musengwa iwe oKibbumba oWabwezye Bwonabwona; tiwaganya abo abakunoonia okuswala oku lwange, iwe oKibbumba wa Isirairi!

EZabbuli 71:13

Nsaba nti abo abanvunaana baswale era bajigirike, abo abataka okunkola akabbikabbi, babasekerere era babanyoome.

Yokaana 15:25

Neye ebyo ibyo byokutuukirirya kibawandiikire omwIteeka lyabwe bati, ‘Bancaawire anambula nsonga.’ ”

Abʼe Looma 8:25

Neye owetubba ngʼekitusuubira kintu ekitukaali kubonaku, awo tujunjumirira ino nʼokuguminkiriza okwʼamaani.