EZabbuli 25:2 - Bbaibbuli y'oLugwere

² Oo Kibbumba wange, niiwe oguneesiga, tiwandeka ni nswala, tiwaganya abalabe bange okumpangula.

EZabbuli 25:2 ပူးပေါင်းရင်းမြစ်များ

EZabbuli 13:5

Neye nze neesiga kisaakyo, najaagaananga olwʼokubba walinnunula.

EZabbuli 142:6

Owulisisye okwekunga kwange, olwʼokubba ndi omu bwetaavu bubitiriri! Onnunule eeri abanjiigaania, olwʼokubba bankiraku ino amaani.

EZabbuli 18:2

OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 22:1

Kibbumba wange, Kibbumba wange, lwaki ondekeswire? Lwaki omba yala nga nkwekungirira okumbeera?

EZabbuli 22:5

Bakwekungiriranga era nʼobanunula. Bakwesiganga era nandi nʼobaswaza.

EZabbuli 22:8

“Yeesiga oMusengwa, aale amulamye. Abba ngʼoMusengwa amutaka, aale amununule.”

EZabbuli 31:1

Oo Musengwa, niiwe ekiirukiro kyange tiwandekanga ni nswala. Omu butuukiriryebwo, ombeere era ontaase;

EZabbuli 31:15

Ekiseera kyʼobwomi bwange kyonakyona kiri mu ngalogyo, ondamye abalabe bange, era ondamye abanjiiga.

EZabbuli 31:2

ontegere ekitwikyo, oyanguwe okunnunula. Obbe niiwe eibbaale lyange omu neebisa, ekikomera ekiwanvu omumba nandi ni nsuna obugosi.

EZabbuli 34:8

Mumugezesyeku muvumbule ngʼoMusengwa obwali musa! Wʼenkabi iye oyo airukira egyali.

EZabbuli 37:40

OMusengwa ababbeera nʼabanunula. Abanunula okuzwa omwifuge lyʼababbibabbi nʼabalamya, olwʼokubba bairukira eeri niiye okubakuuma.

EZabbuli 41:11

Mmaite nti onsiima, olwʼokubba toganyire abalabe bange okumpangula.

EZabbuli 56:1

Oo Kibbumba onkwatire ekisa, olwʼokubba abantu bannumba. Okumalaku olunaku lwonalwona, abalabe bange banjiigania.

EZabbuli 7:1

Oo Musengwa, iwe oKibbumba wange, njirukira eeri niiwe okunkuuma. Onnunule era ondamye abo bonabona abanjiigaania,

EZabbuli 71:1

Oo Musengwa niiwe ekiirukiro kyange, tiwandekanga ni nswala.

EZabbuli 91:2

yamukobanga ati, “Niiwe ekiirukiro kyange era niiwe olugaga lwange, niiwe oKibbumba wange; niiwe oguneesiga.”

EZabbuli 94:3

Oo Musengwa, ababbibabbi balituuca di, balituuca di okwepanka?

Abʼe Looma 10:11

Era eBiwandiike bikoba biti, “Buli muntu amwikiririryamu iye tibalimuswaza kadi.”

Abʼe Looma 5:5

Kaisi dala osuubi oyo tiyalitusuka ni tufiika okusuna ebyo ebitusuubira, olwʼokubba oKibbumba yatusukiire okutakakwe omu myoyo gyaiswe. Okutaka okwo yakulagire ngʼakolesya oMwoyo oMutukulye oguyatuwaire.

1 Peetero 2:6

Era kiri nʼomu Biwandiike kiti: “Aale ngonu nteeka omu Sayuuni, eibbaale erinalonderemu era eryʼebbeeyi, erisiba ensonda yʼomusingi. Era nabuli oyo amwikiririryamu iye tibalimuswaza kadi.”