EZabbuli 24:1 - Bbaibbuli y'oLugwere

¹ Ekyalo nʼebintu byonabyona ebirimu bya Musengwa. Era ekyalo nʼabantu baamu bonabona, niiye onanyerebyo.

EZabbuli 24:1 ပူးပေါင်းရင်းမြစ်များ

EZabbuli 50:10

Ekyo kityo olwʼokubba ebisolo byonabyona ebyʼomu bibira, byange, nʼente egiri oku nsozi enkumi nʼenkumi.

EZabbuli 50:12

Singa mba nzala tinkukobera niiwe, olwʼokubba ekyalo nʼebintu byonabyona ebirimu byange.

EZabbuli 89:11

Eigulu liryo, nʼekyalo kikyo, ekyalo nʼebikirimu niiwe owabikolere.

EZabbuli 89:12

Wabbumbire amambuka nʼamaserengeta. Olusozi oTabboli nʼoKerumooni gyembera eriinalyo omwisangaalo.

EZabbuli 98:7

Oleke enyanza ewooge ngʼemuwuuja, nʼebigirimu byonabyona biceere nga bimuwuuja, ekyalo nʼebikirimu byonabyona bimwembere.

OKuzwa 19:5

Kale atyanu, owemwagonderanga ebiragiro byange, ni mukuumanga endagaano yange, mwabbanga bantu bange abenkira okutaka omu bantu bonabona, newankubbaire ngʼekyalo kyonakyona kyange.

OKuzwa 9:29

OMusa nʼairamu ati, “Owenaazwa omu kibuga nasiirya engalo gyange nga nsaba oMusengwa. Eraadu yakomya okubbwatuka nʼagabbaale ga ikendi gaaba kuwaaku, kaisi omanye ngʼekyalo kya Musengwa.

1 Abʼe Kolinso 10:26

Ekyo kityo olwʼokubba eKiwandiike kikoba kiti, “Ekyalo nʼebintu byonabyona ebirimu bya Musengwa iye oKibbumba.”

AMateeka 10:14

“Eigulu lyonalyona ngʼowerikoma omu bugulumali bwalyo, era nʼekyalo nʼebikirimu byonabyona ibyo bya Musengwa iye oKibbumba waanywe.