EZabbuli 23:1 - Bbaibbuli y'oLugwere

¹ OMusengwa niiye andabirira nze ontaamawe, era mpaawo ekindamba.

EZabbuli 23:1 ပူးပေါင်းရင်းမြစ်များ

EZabbuli 34:11

Mwize inywe abaana bange, mumpulisisye, nabeegesya okutya oMusengwa.

EZabbuli 78:52

Olwo nʼakubbembera abantube ooti muliisya owaakubbembera entaamagye, nʼabalungamya okubabitya omwidungu.

EZabbuli 79:13

Awo iswe abantubo, entaama gyʼomu kiriisiryokyo, twakwebalyanga bulijo emirembe gyonagyona. Mulembe ku mulembe, twadeebereranga okukuwuuja.

EZabbuli 84:11

Ekyo kityo olwʼokubba oMusengwa niiye eisana era engabo. OMusengwa atulaga ekisa era nʼatuwa nʼekitiisya. Mpaawo kintu ekisa ekyaima abo abatambulira omu bwomi obunambulaku ekyokubunenya.

Matayo 6:33

Neye ekikira nakimo, mwemalirenge mu kunoonia bwakabaka bwa Kibbumba era nʼebyataka mukole, kaisi era musune byonabyona ebyo ebimwetaaga.

Yokaana 10:11

Era oYesu ni yeeyongera okukoba ati, “Ninze omuliisya wʼentaama omusa, iye oyo awaayo obwomibwe olwʼentaamagye.

Yokaana 10:14

“Neye nze ndi muliisya wʼentaama omusa. Nze mmaite entaama gyange era gyona gimmaite.

Abʼe Looma 8:32

Ooba ngʼoKibbumba tiyateteirye oMwanawe onanyerenyeere, neye nʼamuwaayo okulwaiswe swenaswena, iye dala eyatukwatiire ekisa nʼatuwa oKurisito yalikaya okutuwa ebindi byonabyona ebitwetaaga?

Abʼe Firipi 4:19

Era oKibbumba wange yalibawa buli kimwetaaga, okusinzirira oku busuni wʼekitiisya obuli omu Kurisito Yesu.

AbʼEbbulaniya 13:20

Kale nsaba nti oKibbumba oyo atuwa eidembe, eyazuukizire oMusengwa waiswe oYesu, oMuliisya wʼentaama omukulu, nʼakakasa endagaano eyʼemirembe nʼemirembe, nʼomusaayegwe,

1 Peetero 2:25

Ekyo kityo olwʼokubba mwabbaire mumamaalikire ooti ntaama egigotere, neye atyanu mwirire eeri oYesu iye alabirira obwomi bwanywe ooti muliisya alabirira entaama.

1 Peetero 5:4

Kale olwo oMuliisya omukulu oweyaliboneka, mwalisuna engule eyʼekitiisya eino iyo etecucuka.

Kubiikula 7:17

Ekyo kityo olwʼokubba oNtaama oMutomuto wa Kibbumba, oyo aali aakati wʼentebe eyʼobwakabaka, yabalabiriranga. Era yalibatuuca oku miiga gyʼamaizi agʼobwomi ni banywa ni basuna obwomi obutawaawo. Era oKibbumba yalibba atoirewo okugada kwabwe kwonakwona.’ ”