EZabbuli 22:8 - Bbaibbuli y'oLugwere

⁸ “Yeesiga oMusengwa, aale amulamye. Abba ngʼoMusengwa amutaka, aale amununule.”

EZabbuli 22:8 ပူးပေါင်းရင်းမြစ်များ

EZabbuli 109:25

Nsuukire kizumi eeri abalabe bange; owebambona, batengeetya mitwe olwʼokunduula.

EZabbuli 18:19

Yantoireyo era nʼantwala omu kifo kyʼomweyaayo. Yannunwire olwʼokubba yansiimire.

EZabbuli 37:5

Nabuli kyokola okiwengeyo eeri Musengwa, omwesigenge, era yakubbeeranga.

EZabbuli 42:10

Ebizumi byʼabalabe bange bindumirirya ooti magumba niigo agammeketa. Basiiba bambuulya bati, “OKibbumbawo ali yaina?”

EZabbuli 55:22

Ebigosibyo obikwatisyenge Musengwa, niiye eyakubbeeranga. Tiyalekenge abatuukirirye, abantu okubawangula.

EZabbuli 71:11

Bakoba bati, “OKibbumba amulekeswire. Tumuyiige tumukwate, olwʼokubba mpaawo eyamutaasa.”

EZabbuli 91:14

OKibbumba akoba ati, “Nalimununula olwʼokubba antaka. Era namukuumanga olwʼokubba angondera.

ENgero 16:3

Nabuli ekyokola okikwatisyenge Musengwa, era entegekagyo gyatuukiriranga.

Matayo 12:18

“Onu niiye ogunnondere okubba omuweererya wange, omutake era ogunsiima eino. Nalimwicaaku oMwoyo wange, era yalikobera abantu aBatali Bayudaaya ngʼowenalibalamula nga tineekubbira.

Matayo 17:5

Oweyabbaire ngʼakaali atumula ebyo, ekireri ekimirikiinya ni kiiza, ni kibabbuunaku nʼekiiriirye kyakyo. Era eigono ni lizwera omu kireri ekyo nga likoba liti, “Onu niiye oMwana wange oguntaka eino, era ogunsiima eino, mumuwulisisye.”

Matayo 3:17

Era eigono ni lizwa omwigulu, nga likoba liti, “Oyo niiye oMwana wange omutake era ogunsiima eino.”

Luuka 23:35

Era abantu ni beemerera aawo okubona ebintu ebyo ebyabbairewo, ngʼabafugi ibo bali kumusekerera nga bakoba bati, “Yalamyanga abandi, aale oleke yeeramye owaabba nga niiye oKurisito oMulonde wa Kibbumba!”