EZabbuli 22:23 - Bbaibbuli y'oLugwere

²³ Inywe omutya oMusengwa mumuwuuje. Inywe eibyaire lya Yaakobbo nywenanywena, mumugulumalye. Era inywe eibyaire lya Isirairi nywenanywena, mumuwe ekitiisya.

EZabbuli 22:23 ပူးပေါင်းရင်းမြစ်များ

EZabbuli 106:5

olwo kaisi njezye okubona ngʼabalondebo basuna ebisa, nsangaalire aamo nʼeigwangalyo; neenyumirizire aamo nʼabantubo okububwo.

EZabbuli 109:30

Neebalyanga ino oMusengwa nga mbutula; namuwuujanga omu lukumbaana lwʼabantu olunene.

EZabbuli 111:1

Muwuuje oMusengwa. Neebalyanga oMusengwa nʼomwoyo gwange gwonagwona omu batuukirirye era omu nkumbaana gyabwe.

EZabbuli 115:11

Inywe abatya oMusengwa, mumwesigenge, niiye ababbeera era niiye engabo yaanywe.

EZabbuli 115:13

Yaawa enkabi abamutya, abatobato nʼabakulu.

EZabbuli 145:19

Atuukirirya okwegomba kwabo abamutya, era awulira okwekunga kwabwe nʼabanunula.

EZabbuli 22:30

Abantu abʼomu mulembe ogwiza balimuweererya, era balikobera abʼomulembe ogwiraku ebikwata oku Musengwa.

EZabbuli 26:12

E gyendi mpaawo kabbikabbi, nawuujanga oMusengwa omu nkumbaana enene.

EZabbuli 33:8

Oleke ekyalo kyonakyona kitye oMusengwa, oleke abantu bonabona abʼoku kyalo bamuwe ekitiisya.

EZabbuli 35:18

Nakwebaliryanga omu nkumbaana enene. Nakuwuujiranga omumaiso gʼabantu abangi.

EZabbuli 50:23

Oyo iye aleeta esadaaka eyʼokuneebalya, angulumalya. Era oyo iye atambula nakusani, nze oKibbumba nalimununula.”

EZabbuli 86:12

Oo Musengwa iwe oKibbumba wange, nakuwuujanga nʼomwoyo gwange gwonagwona. Nagulumalyanga eriinalyo emirembe gyonagyona.

Luuka 1:50

Era akwatira ekisa abo abamutya, mu buli mulembe.

Luuka 2:20

Awo abaliisya ni bakanga e giri entaama gyabwe nga bawuuja era nga bagulumalya oKibbumba olwʼebyo ebibawuliire nʼebibaboine. Ekyo kityo olwʼokubba byonabyona byabbaire nga biri nakimo ngʼomalaika oweyabbaire abakobeire.

1 Abʼe Kolinso 10:31

Kale byonabyona ebimwakolanga, abba kulya ooba kunywa, mubikolenge nga mugenderera kugulumalya Kibbumba.

Kubiikula 15:4

Musengwa, naani dala atalikutya era ataliwa eriinalyo ekitiisya! Iwe wenkani niiwe oMutukulye. Abantu abʼamawanga gonagona baliiza ni bakusinza omumaisogo, olwʼokubba ebikolebyo ebyobutuukirirye byeraga mulwatu.”