EZabbuli 22:1 - Bbaibbuli y'oLugwere

¹ Kibbumba wange, Kibbumba wange, lwaki ondekeswire? Lwaki omba yala nga nkwekungirira okumbeera?

EZabbuli 22:1 ပူးပေါင်းရင်းမြစ်များ

EZabbuli 10:1

Oo Musengwa, lwaki ondi yala? Lwaki weebisa nga ndi omu biseera byʼebigosi?

EZabbuli 16:1

Oo Kibbumba onkuume, olwʼokubba njirukira eeri niiwe okunkuuma.

EZabbuli 22:11

Nʼolwekyo tiwamba e yala, olwʼokubba akabbikabbi kandi kumpi, era mpaawo eyambeera.

EZabbuli 22:16

Ekiziima kyʼabakola ebibbibibbi kineeruguuliriirye ooti kiziima kyʼembwa niikyo ekinzingizire. Engalo gyange nʼebigere byange babisumutyagire.

EZabbuli 26:9

Tiwamalawo obwomi bwange aamo nʼabakola ebibbibibbi, waire ngʼobwokola abatemo.

EZabbuli 37:28

Ekyo kityo olwʼokubba oMusengwa ataka bwenkanya, era talekesula abamwesiga. Abakuuma emirembe gyonagyona. Neye eibyaire lyʼababbibabbi, balirijigirica.

EZabbuli 38:8

Gampoire era ngondagondeire nakimo, nkenyera olwʼenima egindinayo oku mwoyo.

EZabbuli 71:11

Bakoba bati, “OKibbumba amulekeswire. Tumuyiige tumukwate, olwʼokubba mpaawo eyamutaasa.”

ABaleevi 2:6

Okabona yakimulungulanga, nʼakisukaku obwito, ekyo niikyo ekyokuwaayo ekyʼempeke.

Matayo 27:46

Era oku saawa ooti mwenda, oYesu nʼakunga nʼeigono eryaminkirira ati, “Eloyi, Eloyi, lama sabbakusaani?” Amakulu gaakyo gati, “Kibbumba wange, Kibbumba wange, lwaki ondekerewo?”

Maako 15:34

Oku saawa ooti mwenda oYesu nʼakunga nʼeigono eryaminkirira ati, “Eloyi, Eloyi, lama sabbakusaani?” Amakulu gaakyo gati, “Kibbumba wange, Kibbumba wange, lwaki ondekerewo?”

Luuka 22:44

Kale oYesu ngʼali omu bulumi obungi, ni yeeyongera okwegairira ino oKibbumba, era olwotalwe ni lutoonya nga luli ooti gatondo gʼomusaaye agatoonya ansi.]

Luuka 24:44

Kale awo nʼabakoba ati, “Niibyo ebyo ebinabakobeire nga nkaali ndi na inywe, nti buli ekibampandiikireku omu Mateeka ga Musa nʼomu bitabo byʼabanaabbi nʼomu Zabbuli, kiteekwa okutuukirira.”

AbʼEbbulaniya 13:5

Mulekenge okubba abalulunkanira empiiya, era mukitwalenge muti ebintu ebimuli nabyo bimala, olwʼokubba oKibbumba yakobere ati: “Tinalyaba okubazwaku, era tinalibalekawo kadi katyayi kati.”

AbʼEbbulaniya 5:7

OYesu oweyabbaire oku kyalo kunu yasabanga oKibbumba era nʼamwegairira omwigono eryaminkirira nʼomu maliga ati, iye aali nʼobwezye okumulamya okufa, amulamye. Era, olwʼobugondi nʼobumaliriri ebiyabbaire nabyo eeri oKibbumba, bamuwuliire.

1 Samwiri 12:22

OMusengwa, okulwʼeriinalye erikulu, tayaba kubalekesula inywe, olwʼokubba yasiimire okubasuuca babe kububwe.