EZabbuli 21:6 - Bbaibbuli y'oLugwere

⁶ Dala omuwaire enkabi egyʼenkalaakalira, era asangaala olwʼokubba oli naye.

EZabbuli 21:6 ပူးပေါင်းရင်းမြစ်များ

ENtandiika 12:2

Era nalikuwa abaizukulu bangi ino ni basuuka igwanga erinene eryʼamaani, era nakuwanga enkabi. Era nalitutumuca eriinalyo kaisi iwe nʼozwerangaku abantu okusuna enkabi.

2 Samwiri 7:9

Mbairenge na iwe nabuli e gyoyabirenge, ni nsanyaawo abalabebo bonabona omumaisogo. Nʼalikututumuca ngʼabafugi abatutumuki oku kyalo.

EZabbuli 16:11

Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 43:4

Awo kaisi njabe oku kyoto kya Kibbumba, eeri oKibbumba wange iye eisangaalo lyange eribitiriri. Era nakuwuujanga nga nkukubbira otongoli, oo Kibbumba, iwe oKibbumba wange.

EZabbuli 45:7

Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

Bikole 2:28

Ondagire amanzira agendi nʼokukwata kaisi ntuuke omu bwomi. Olwʼokubba oli na nze, wanjizulya eisangaalo.’ ”

Bikole 3:26

Kagira obona oti oKibbumba oweyamalire okulonda omuweereryawe oYesu, yasookere kumusindika eeri niinywe abagase kinene ngʼabagaluca nywenanywena abatoole omu kwabira oku bikole byanywe ebibbibibbi.”

Abʼe Galatiya 3:14

OKurisito yatwaire ekiraami ekyo okulwaiswe kaisi enkabi oKibbumba egiyasuubizire oIbbulaimu giize eeri aBatali Bayudaaya olwa Kurisito oYesu, era kaisi olwʼokwikirirya, tusune oMwoyo oMutukulye ogubasuubizire.

Abʼe Galatiya 3:9

Ekyo ni kiraga kiti bonabona abali nʼokwikirirya basunira aamo enkabi nʼoIbbulaimu eyabbaire nʼokwikirirya.

AbʼEfeeso 1:3

Twebalye oKibbumba era oIteeye wa Musengwa waiswe oYesu Kurisito, eyatugabiire nabuli nkabi gyonagyona egyʼomwoyo egizwa omwigulu olwʼokubba ekintu ekimo nʼoKurisito.