EZabbuli 21:5 - Bbaibbuli y'oLugwere

⁵ Ekitiisyakye kinene olwʼobuwanguli obwomuwa, omuwaire obukulu nʼeitutumo.

EZabbuli 21:5 ပူးပေါင်းရင်းမြစ်များ

2 Samwiri 7:19

Oo Musengwa iwe oMukulu, ekyo nga kikaali kiri awo ooti kitono omumaisogo, tete osuubizire abʼeibyaire lyange ebingi omumaiso egibwiza. Oo Musengwa iwe oMukulu, enu niiyo enkolayo bulijo egyokola oku muntu!”

EZabbuli 110:1

OMusengwa yakobere oMusengwa wange ati, “Otyame ngʼondiraine, oku lubba lwange olwʼengalo endiiro, paka owenaligondya abalabebo ni mbasuuca mukonkolo gwʼokuwuumuliryaku ebigerebyo.”

EZabbuli 133:3

Kiri ooti lume lwʼoku lusozi oKerumooni, olume olugwa oku nsozi gyʼe Sayuuni. Ekyo kityo olwʼokubba oMusengwa giyasinziriire okulagira wabbeewo enkabi, nʼobwomi obwʼemirembe gyonagyona.

EZabbuli 3:3

Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

EZabbuli 61:7

Omuganye afuge ngʼali omu bukuumibwo emirembe nʼemirembe. Ekisaakyo nʼobwesigwabwo, bimukuumenge.

EZabbuli 62:7

Obununuli bwange nʼekitiisya kyange bizwa eeri Kibbumba. Niiye eibbaale lyange eryʼamaani omu neebisa, era niiye ekiirukiro kyange.

EZabbuli 8:5

Wamukolere, nʼabulaku katyayi kati okwagaagana na iwe Kibbumba, era nʼomutiikira engule eyʼekitiisya nʼokumugulumalya.

EZabbuli 96:6

Ekitiisya nʼobukulu bimweruguuliriirye, obwezye nʼobusa biri omu Weemaye.

Matayo 28:18

Awo oYesu nʼaigerera e gibali kaisi nʼabakoba ati, “Bampaire obwezye bwonabwona omwigulu nʼoku kyalo.

Yokaana 17:1

Awo oYesu oweyamalire okutumula ebyo, nʼagangamula omutwe okulingirira omwigulu kaisi nʼasaba ati: “Bbaabba, ekiseera kituukire. Aale atyanu olage abantu ekitiisya kyʼoMwanawo ngʼowekiri ekyʼamaani, kaisi yena ayezye okubalaga ekitiisyakyo ekyʼamaani.

Yokaana 17:22

Era mbasuucirye okubba bʼekitiisya zena ngʼowonsuucirye kaisi bayezye okubbanga ekintu ekimo ooti ninze owendi ekintu ekimo na iwe.

Yokaana 17:5

Bbaabba, aale atyanu tete onganye mbe nʼekitiisya kidi ekinabbaire nakyo owenabbaire na iwe omwigulu nga nʼekyalo kikaali nʼokubbaawo.”

AbʼEbbulaniya 8:1

Ekikulu omu bintu ebitukoba niikyo kinu; okabona akira obukulu ogutuli naye atyo wayagaagana, era atyaime eeyo omwigulu aamo nʼoKibbumba onyere oBwezye omu kifo kyʼekitiisya eino.

1 Peetero 3:22

Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro, era oYesu ngʼafuga abamalaika, nʼebyobwezye era nʼebyʼamaani.