EZabbuli 2:2 - Bbaibbuli y'oLugwere

² Abafugi bʼoku kyalo beetegeka, era abeekubbemberi bateesera aamo okulwanisya oMusengwa era okulwanisya oyo oguyasukireku amafuta.

EZabbuli 2:2 ပူးပေါင်းရင်းမြစ်များ

EZabbuli 110:5

OMusengwa ali oku lubbaalwo olwʼengaloyo endiiro okukukuuma, oweyalisunguwala, yalisasaigula abakabaka.

EZabbuli 2:10

Kale atyanu bakabaka inywe, mwiremu amalabuki, inywe abafugi bʼoku kyalo mulabuke.

EZabbuli 45:7

Otaka ebikole byʼobutuukirirye nʼocaawa obubbibubbi. Kagira nze oKibbumba, oyo oKibbumbawo, nkusukireku amafuta ni nkuwa eisangaalo erikira eryʼabandi bonabona.

EZabbuli 48:4

Abakabaka bagaitire amaje gaabwe ni baizira aamo okulumba ekibuga ekyo,

EZabbuli 48:5

neye owebakiboine beewuninkiriire, ensisi nʼebakwata era ni bakangirira.

EZabbuli 74:18

Oo Musengwa, oyebukirye engeri omulabe egyakujeregere, nʼabasirusiru ngʼowebazumiriire eriinalyo.

EZabbuli 74:23

Tiweerabira ocerete wa balabebo, okereere waabwe owa buli kiseera.

EZabbuli 83:6

Mulimu abantu bʼEdomu nʼaBaisimairi, nʼabʼe Mowaabbu nʼaBakagali,

EZabbuli 89:20

Nkivumbwire nti oDawudi, yaabba muweererya wange, mmulondere nga mmusukaku amafuta amawonge okumwawula okubba kabaka.

OKuzwa 16:7

Era eizo amakeezi mwabona ekitiisya kya Musengwa, olwʼokubba awuliire owemumwezulugumiire. Aale niiswe abanaani, kaisi mutwezulugumire?”

ENgero 21:30

Mpaawo malabuki nʼokutegeera, waire enseega, ebyezya okwakanisya oMusengwa ni bimuwangula.

Matayo 2:16

Awo oKerode oweyamanyicirye ati abasaiza abeetegereza ebyʼenkota bamubbeyere-bubbeyi, nʼanyiiga ino. Kale nʼatuma abaisirikale okwita abaana abaisuka bonabona omu Bbeserekeemu nʼomu byalo ebikyeruguuliriirye, abo ababbaire abʼemyanka emibiri nʼokwika ansi. Ekyo yakikolere ngʼasinzirira ku kiseera abasaiza badi nago ekibamukobeire ekibaboneiremu onkota.

Matayo 26:3

Awo abakabona abakulu, nʼabantu abakulu omwigwanga ni bakiika e wa kabona akira obukulu oKayaafa.

Matayo 26:59

Olwo abakabona abakulu nʼabʼoLukiiko oLufugi olwʼaBayudaaya bonabona ni banoonia obujulizi obwʼobubbeyi obubasinziriraku okwita oYesu.

Matayo 27:1

Awo obwire owebwaceire amakeezi, abakabona abakulu bonabona nʼabantu abakulu omwigwanga, ni bateesa era ni basalawo okwita oYesu.

Luuka 13:31

Omu kiseera ekinanyere ekyo, aBafalisaayo abamo ni baiza ni bakoba oYesu bati, “Ozwe aanu oyabe omu kifo ekindi olwʼokubba oKerode ataka okukwita.”

Yokaana 1:41

Era iye Andereya ekintu ekiyasookere okukola kwabbaire kunoonia mugandawe oSimooni nʼamukoba ati, “Tuboine oMasiya.” Amakulu gati oKurisito ogubasukireku amafuta.

Yokaana 15:23

Iye ancaawa acaawa nʼoBbaabba yena.

Yokaana 3:34

Ekyo kityo olwʼokubba oodi nago oKibbumba oguyatumire, atumula bibono ebyo ebyasuna okuzwa eeri oKibbumba olwʼokubba oKibbumba amuwa oMwoyowe omu bwizulye.

Bikole 10:38

Ekikoba kiti, mumaite ebifa oku Yesu owʼe Naazaleesi. Mumaite ngʼoKibbumba oweyamulondere, nʼamuwa oMwoyowe oMutukulye era nʼamaani okukola ebyewunyo. Era, mumaite ngʼoYesu oyo oweyabitabitanga wonawona nga waakolera abantu ebisa neenu waalamya nʼabo bonabona ababbaire ansi wʼeifuge lya Sitaani. Ebyo byonabyona yabikolanga olwʼokubba oKibbumba yaabbanga naye.

Bikole 9:4

OSawulo nʼagwa ansi era ananyere awo nʼawulira eigono erimukoba liti, “Sawulo, Sawulo, lwaki onjiigaania?”

AbʼEbbulaniya 1:9

Otaka ebikole byʼobutuukirirye, nʼocaawa obubbibubbi. Kagira nze oKibbumba, oyo oKibbumbawo nkusukireku amafuta ni nkuwa eisangaalo erikira eryʼabandi bonabona.”