EZabbuli 2:12 - Bbaibbuli y'oLugwere

¹² Mukotamye emitwe omumaiso gʼomwanawe okumuwa ekitiisya, nga bbe, yasunguwala nʼabajigirica mangu. Ekyo kityo olwʼokubba obulwabwe tibulwa okusetuka. Neye bʼenkabi abo bonabona abairukira egyali okubakuuma.

EZabbuli 2:12 ပူးပေါင်းရင်းမြစ်များ

ENtandiika 41:40

Nakuwa obwezye okufuga ekyalo kyange, era abantu bange bonabona bagonderanga biragirobyo. Era ninze zenkani, enakukirangaku okubba nʼobwezye olwʼokubba ninze oFalaawo.”

EZabbuli 1:6

Ekyo kityo olwʼokubba oMusengwa alungamya era akuuma abatuukirirye, neye enzira ababbibabbi egibasengererya ebalungamya mu kujigirika.

EZabbuli 109:20

Oleke ebyo bibbe niibyo empeera oMusengwa egyawa abalabe bange, abo abantumulaku okubbikubbi.

EZabbuli 2:5

Awo ngʼasunguwaire nʼabakaawuukira, era omu bulwabwe nʼabakanga, era nʼakoba ati,

EZabbuli 2:7

Okabaka nʼalangirira ekiragiro kya Musengwa ati, “OMusengwa yankobere ati, ‘Oli mwana wange, olwatyanu nnangirira nti ndi iteewo.

EZabbuli 31:20

Iwe obabisa e gyobba, nʼobalamya enkwe gyʼabantu. Obakuumira nakusani eeyo e gyobba, nʼobalamya ebizumi byʼabalabe baabwe.

EZabbuli 34:8

Mumugezesyeku muvumbule ngʼoMusengwa obwali musa! Wʼenkabi iye oyo airukira egyali.

EZabbuli 34:9

Mutye oMusengwa inywe abatuukiriryebe, olwʼokubba ibo abo abamutya tibadamba kintu kyonakyona.

EZabbuli 40:4

Wʼenkabi iye oyo eyeesiga oMusengwa, era atakola omukumbo nʼabamalala, waire nʼabasinza ebifaananyi.

EZabbuli 84:12

Oo Musengwa oWabwezye Bwonabwona, nga wʼenkabi iye oyo akwesiga!

ENgero 16:20

Oyo iye atwala ebibamulaabbira, bimwabira nakusani, era wʼenkabi oyo iye eyeesiga oMusengwa.

Yokaana 14:6

Awo oYesu nʼamwiramu ati, “Ninze enzira, era ninze amazima, era ninze obwomi. Mpaawo atuuka egiri oBbaabba okutoolaku ngʼabitire mu ninze.

Yokaana 5:23

Ekyo kityo kaisi abantu bonabona bayezye okuwa oMwana ekitiisya ekyo ekibawa oIteeye. Era singa omuntu yenayena tawa oMwana ekitiisya era mazima abba tawa nʼoIteeye ekitiisya, iye nago eyamutumire.”

Abʼe Looma 10:11

Era eBiwandiike bikoba biti, “Buli muntu amwikiririryamu iye tibalimuswaza kadi.”

Abʼe Looma 9:33

Era kiri ngʼonaabbi Isaaya oweyakiwandiikire ati: “Obone, nteeka omu Sayuuni eibbaale erizweraku abantu ni beesitaala; era eibbaale lyʼolubanda eribeekontolaku ni bagwa. Era nabuli oyo amwikiririryamu iye tibalimuswaza kadi.”

AbʼEfeeso 1:12

Era ekyo kituwa iswe aBayudaaya, abantu abasookere okusuubira oKurisito, ni tuwuuja ekitiisya kya Kibbumba.

1 Peetero 1:21

Okubita mwiye nago, inywe mwikiririrya omu Kibbumba, iye oyo eyazuukizire oYesu kaisi oKibbumba nago nʼamugulumalya, era ekyo ni kibazweramu inywe okubba nʼokwikiririrya omu Kibbumba era nʼokumusuubiriramu.

1 Peetero 2:6

Era kiri nʼomu Biwandiike kiti: “Aale ngonu nteeka omu Sayuuni, eibbaale erinalonderemu era eryʼebbeeyi, erisiba ensonda yʼomusingi. Era nabuli oyo amwikiririryamu iye tibalimuswaza kadi.”

1 Samwiri 10:1

Awo oSamwiri nʼakwata akacupa kʼamafuta gʼomuzaituuni, nʼagasuka oku mutwe gwa Sawulo, nʼamugwa omu kifubba, ngʼamukoba ati, “OMusengwa akusukaku amafuta okubba mwekubbemberi wʼabantube aBaisirairi.