EZabbuli 19:9 - Bbaibbuli y'oLugwere

⁹ Okutya oMusengwa kisa ino, kibbeerererawo emirembe nʼemirembe. Okulamula kwa Musengwa kwʼamazima, era okutwalirya aamo kutuuce.

EZabbuli 19:9 ပူးပေါင်းရင်းမြစ်များ

ENtandiika 22:12

Omalaika nʼamukoba ati, “Tiwaita omwanawo era tomukolaku akabbikabbi konakona. Atyanu ntegeire ngʼotya oKibbumba. Ekyo kityo olwʼokubba tiweezizyazizirye oku kyʼokuwaayo omwanawo, omwana omoiza yenkani.”

ENtandiika 42:18

Awo owegyabitirewo enaku ibiri, oku lwokusatu oYusufu nʼabakoba ati, “Nze ndi muntu awa oKibbumba ekitiisya. Nʼolwekyo mukole ekinjaba okubakoba, kaisi mulame okufa.

EZabbuli 10:5

Neye nabuli kyakola kibitamu. Tategeera ati ekibonerezo kya Kibbumba kimukuumiriire, era anyooma abalabebe bonabona.

EZabbuli 111:10

Okutya oMusengwa, okumanya mu kutandiikira. Bonabona abagondera ebiragirobye, bategeeri. OMusengwa bamuwuujenge emirembe nʼemirembe.

EZabbuli 115:13

Yaawa enkabi abamutya, abatobato nʼabakulu.

EZabbuli 119:1

Bʼenkabi abali omu bwomi obunambulaku ekyokubunenya, abo abakolera oku mateeka ga Musengwa.

EZabbuli 119:106

Ndayira era neeyama okukwatanga amateekago amatuukirirye.

EZabbuli 119:111

Ebiragirobyo niibyo ebyobusika byange ebyʼemirembe gyonagyona; niibyo ebisangaalisya omwoyo gwange.

EZabbuli 119:142

Obutuukiriryebwo bubbeerererawo, era amateekago matuuce.

EZabbuli 119:39

Ontoleku ebizumi ebyentya, olwʼokubba ennamulayo nsa.

EZabbuli 119:62

Omu kiire aakati ndamuka okukwebalya, olwʼamateekago amatuukirirye.

EZabbuli 119:7

Nakuwuujanga nʼomwoyo omulongoole, nga wenjega okugondera amateekago amatuukirirye.

EZabbuli 119:75

Oo Musengwa, mmaite nti olamula mu butuuce, era wambonerezere olwʼokubba oli mwesigwa.

EZabbuli 12:7

Oo Musengwa otukuumenge, era otulabirirenge eeri ababbibabbi amirembe gyonagyona.

EZabbuli 147:19

Abiikulira oYaakobbo ekibonokye, Amanyikisya aBaisirairi amateekage nʼebiragirobye.

EZabbuli 36:1

Ekibbikibbi kitumulira omu mwoyo gwʼomuntu omubbimubbi. Ekyʼokuwa oKibbumba ekitiisya kibabulamu.

EZabbuli 36:6

Obutuukiriryebwo bubbeerererawo ooti nsozi empanvu, obwenkanyabwo bwabirira ooti lwabi lwʼenyanza. Oo Musengwa, olabirira abantu nʼebisolo.

OKuzwa 21:1

Awo oMusengwa nʼakoba oMusa ati, “Atyanu ganu niigo amateeka agandi agooli nʼokuwa aBaisirairi.

ENgero 8:13

Okutya oMusengwa niikwo okucaawa ekibbikibbi. Ncaawa amalala nʼokwepanka, nʼeneebitya embimbi nʼentumula eyʼobubbeyi.

Bikole 10:22

Ibo ni bamwiramu bati, “Tuzwereire wa Koloneeryo, aduumira ekibinja kyʼabaisirikale 100, omusaiza atuukiriire, era atya oKibbumba, era aBayudaaya bangi ogubawa ekitiisya. Omalaika omutukulye owa Kibbumba yamubonekeire, nʼamukoba akwete oyabe e wuwe awulireku ebyokoba.”

Abʼe Looma 11:22

Nʼolwekyo omanye ekisa nʼobukambwe bwa Kibbumba. Akambuwalira abo abagwire nʼakwatira iwe ekisa, kasita weekalangulira oku kisaakye. Neye owootalikyekalanguliraku, wena balikumogolaku.

Abʼe Looma 2:2

Swenaswena tukimaite nakusani tuti oKibbumba, iye omu mazimage, mwasalira emisango abo abakola ebintu ebityo.

AMateeka 4:8

Era, igwangaki erindi eryʼamaani eriri nʼamateeka nʼebiragiro ebyʼobwenkanya ngʼamateeka ganu gonagona agembateekerawo olwatyanu?”

Kubiikula 15:3

Ni bemba olwembo onaabbi oMusa, omuweererya wa Kibbumba oluyayembere, nʼolwembo eeri oNtaama oMutomuto wa Kibbumba, nga bakoba bati: “Musengwa oKibbumba oWabwezye Bwonabwona, ebyokola bikulu era byewunyisya! Iwe oKabaka owʼemirembe nʼemirembe, amanzirago matuuce era gʼamazima.

Kubiikula 16:7

Ni mpulira eigono nga lizwa egiri abo ababba oku kyoto, nga likoba liti: “Niikyo ekyo Musengwa oKibbumba oWabwezye Bwonabwona, ekyokolere kituuce era kya bwenkanya.”

Kubiikula 19:2

Ensalaye eyʼemisango ntuuce era ya bwenkanya. Asalire omusango ni gusinga ekibuga ekiri ngʼomalaaya okirifuma, oyo eyatendeire abantu abʼomu kyalo kyonakyona, okukola obwamalaayabwe obwʼokusinza ebifaananyi. Omalaaya oyo bamubonerezere olwʼokwita abaweererya ba Kibbumba.”

1 Samwiri 12:24

Neye ekimuli nʼokukola, kutyanga Musengwa, ni mumuweereryanga omu bwesigwa nʼemyoyo gyanywe gyonagyona, nga mwebukirya ebintu ebikulu ebyabakoleire.