EZabbuli 19:8 - Bbaibbuli y'oLugwere

⁸ Amateeka ga Musengwa matuuce, gasangaalya omwoyo. Ebiragiro bya Musengwa bikengeize, biigulya omuntu amaiso.

EZabbuli 19:8 ပူးပေါင်းရင်းမြစ်များ

ENtandiika 26:5

Ekyo kityo olwʼokubba oIbbulaimu yangonderanga, era yakwatanga amateeka gange gonagona nʼebiragiro byange.”

EZabbuli 105:45

kaisi bayezye okugonderanga ebiragirobye, era bakwatenge amateekage. Muwuujenge oMusengwa.

EZabbuli 111:7

Omu byakola, mwesigwa era mwenkanya, era ebiragirobye byonabyona byesigwa.

EZabbuli 119:105

Ekibonokyo niikyo eitaala erimmoleekerera nga ntambula, era ekitangaala omu nzira yange.

EZabbuli 119:12

Oo Musengwa nkuwuuja onjegesye amateekago.

EZabbuli 119:121

Nkolere ebyobutuukirirye nʼebyobwenkanya; tiwandekesula eeri abalabe bange.

EZabbuli 119:128

Era olwʼokubba ngondera ebiragirobyo byonabyona, ncaawa entambula yonayona embiibbi.

EZabbuli 119:130

Ebibonobyo owebabisonzola, biwa ekitangaala, biwa amalabuki abo abagadamba.

EZabbuli 119:14

Nsangaalira omu kugondera ebiragirobyo, ooti muntu asangaalira ebyobusuni ebingi.

EZabbuli 119:143

Ndi omu kugada nʼokuluga okunene, neye amateekago niigo eisangaalo lyange.

EZabbuli 119:16

Nsangaalira okugondera amateekago; tineerabirenge ekibonokyo.

EZabbuli 119:171

Nakuwuujanga bulijo, olwʼokubba onjegesya amateekago.

EZabbuli 119:24

Ebiragirobyo niibyo eisangaalo lyange, era niimwo omunsuna amalabuki.

EZabbuli 119:40

Obone, ntaka ino amateekago, okuume obwomi bwange, olwʼokubba iwe oli mutuukirirye.

EZabbuli 119:54

Amateekago niigo agennyembaku, ngʼomusenze nabuli awemba.

EZabbuli 119:80

Onganye nkwatenge kusani amateekago, kaisi tinaswalanga.

EZabbuli 119:92

Singa amateekago tigabbaire isangaalo lyange, nga nafiire owenabbeereire omu kugada.

EZabbuli 12:6

Ebisuubizo bya Musengwa byesigwa, biri ooti feeza egibakenenere nga bagibitya omu kikoomi kyʼomusyo, ni bagikengeiza emirundi musanvu.

EZabbuli 13:3

Oo Musengwa, iwe oKibbumba wange, onningemu era onjiremu. Onjiryemu amaani, tinaafa,

EZabbuli 40:8

Oo Kibbumba wange, nsangaala okukola ebyotaka, era nkwata amateekago omu mwoyo gwange.”

EZabbuli 93:5

Oo Musengwa, ebiragirobyo tibicuuka, era eYeekaaluyo ntukulye ino emirembe nʼemirembe.

OKuzwa 18:16

Owebabba nʼokayaani, baiza egyendi ni mbalamula, era ni mbakobera amateeka ga Kibbumba nʼebiragirobye.”

ENgero 2:6

olwʼokubba oMusengwa niiye agaba amalabuki, okumanya nʼokutegeera bizwa giri niiye.

ENgero 30:5

“Nabuli kibono kya Kibbumba kyʼamazima; niiye engabo yʼabo abairukira egyali okusuna obukuumi.

ENgero 6:23

Ekyo kityo olwʼokubba ebiragiro ebyo, itaala, okwegesya okwo, kitangaala, era bigolola abantu, niibyo enzira eyaba omu bwomi.

Abʼe Looma 3:20

Nʼolwekyo, mpaawo muntu yenayena ogubalitoolaku omusango omumaiso ga Kibbumba okubitira omu kusengererya aMateeka, olwʼokubba mpaawo ayezya okugatuukirirya gonagona. Ekyagirire ni batuwa aMateeka, kyabbaire kiti gatubbeere okutumanyikisya, okubitira omu kuleetawo okulumiriza omu mwoyo, bati ekintu kirebe omuntu ekyabba akolere kibbikibbi.

Abʼe Looma 7:22

Omwoyo gwange gwonagwona gwikirirya eiteeka lya Kibbumba.

Abʼe Looma 7:7

Olwo tukitwale tuti aMateeka okutwalirya aamo kintu kibbikibbi? Ala kadi katyayi kati, olwʼokubba singa tikyabbaire kiti aMateeka galiwo, aale nze nankubbaire ntya okumanyica nti ekibbikibbi niikyo ekintu kirebe? Aale singa tiMateeka ga Musa kulagira gati, “Tiwegombanga kintu kya mwinawo,” dala nze nankamaite ntya nti kaisi waliwo nʼokwegomba okubatwala ngʼokubbikubbi?

Abʼe Galatiya 2:19

Zena nabbaire omu kusooka mu busibe omu Mateeka ga Musa, neye owebansindibwire okuzwa omu mateeka nago awo ni mba mwomi eeri oKibbumba.

Abʼe Galatiya 3:21

Ogondi ayezya okwebuulya ati, “Olwo aMateeka galwanisya ebyo oKibbumba ebiyasuubizire?” Kadi katyayi kati. Amateeka masa neye tigawa obwomi. Singa niigo ageezya okuleeta obwomi obutawaawo, abantu bankubbaire basuna obutuukirirye lwa kukwata mateeka.

AMateeka 16:11

Era mwajagaaniranga omumaiso ga Musengwa iye oKibbumba waanywe, omu kifo ekiyalironda okumusinzirangamu. Mwajagaananga nga muli aamo nʼabaana baanywe, nʼabagalama baanywe, nʼaBaleevi abʼomu bibuga byanywe, nʼabagwira, nʼabafuubbi nʼabanamwandu ababba mwinywe.

AMateeka 16:14

Mwajaagaaniranga aamo nʼabaana baanywe, nʼabagalama baanywe, nʼaBaleevi, nʼabanamawanga, nʼabafuubbi, nʼabanamwandu abali omu bibuga byanywe.