EZabbuli 19:7 - Bbaibbuli y'oLugwere

⁷ Eiteeka lya Musengwa lituukirirye, liirya omu myoyo gyaiswe amaani. Ebiragiro bya Musengwa byesigika, bigeziwalya abula amalabuki.

EZabbuli 19:7 ပူးပေါင်းရင်းမြစ်များ

2 Samwiri 23:5

“Mazima eibyaire lyange lityo weryalibba omumaiso ga Kibbumba, olwʼokubba yakolere na nze endagaano eyenkalaakalira, egyatacuusacuusa era egiyakakasire. Ekyo dala niikyo ekineegomba; olwʼokubba obwo niibwo obwalibba obuwanguli bwange era oKibbumba mazima yalikituukirirya.

EZabbuli 111:7

Omu byakola, mwesigwa era mwenkanya, era ebiragirobye byonabyona byesigwa.

EZabbuli 119:105

Ekibonokyo niikyo eitaala erimmoleekerera nga ntambula, era ekitangaala omu nzira yange.

EZabbuli 119:111

Ebiragirobyo niibyo ebyobusika byange ebyʼemirembe gyonagyona; niibyo ebisangaalisya omwoyo gwange.

EZabbuli 119:130

Ebibonobyo owebabisonzola, biwa ekitangaala, biwa amalabuki abo abagadamba.

EZabbuli 119:14

Nsangaalira omu kugondera ebiragirobyo, ooti muntu asangaalira ebyobusuni ebingi.

EZabbuli 119:152

Eira nayegere ebiragirobyo, ni mmanya nti wabiteekerewo kubbeerererawo emirembe gyonagyona.

EZabbuli 119:24

Ebiragirobyo niibyo eisangaalo lyange, era niimwo omunsuna amalabuki.

EZabbuli 119:72

Amateeka agewatuwaire gankiriraku enkumi nʼenkumi gyʼamairambula gʼezaabbu nʼefeeza.

EZabbuli 119:9

Omuvuvuka yakuumanga atya amanzirage ni gabba malongoole? Ngʼatambula ngʼobwotaka.

EZabbuli 18:30

OKibbumba ebikolebye byʼobutuukirirye; oMusengwa byonabyona ebyasuubiza bituukirira. Niiye engabo yʼabo bonabona abairukira egyali.

EZabbuli 23:3

Anjiryamu amaani. Annungamya omu manzira amatuuce olwʼeriinalye.

EZabbuli 93:5

Oo Musengwa, ebiragirobyo tibicuuka, era eYeekaaluyo ntukulye ino emirembe nʼemirembe.

ENgero 1:4

Giwa amalabuki abo ababisi, era gigeziwalisya abavuvuka.

Yokaana 5:39

“Cooka inywe mwekenenya nga musoma eBiwandiike olwʼokubba museega muti omu Biwandiike nago niimwo omu mwalisuna obwomi obutawaawo, era oomwo niimwo omu bakakasira ebinkwataku.

Bikole 10:43

EBiwandiike byʼabanaabbi bonabona bimutumulaku biti, ‘Nabuli moiza amwikiririryamu asuna okumusoniya ebibbibibbibye olwʼobwezye bwʼeriinalye.’ ”

Abʼe Looma 12:2

Timwirangayo okufaanania empisa gyanywe nʼegyʼabantu abʼekyalo abatali baikirirya aba Kurisito. Wazira oKibbumba agaluce obwomi bwanywe, nga musuna okwira obuyaaka okwʼenseega yaanywe. Awo niiye owemwezerya okumanya ebyo oKibbumba ebyataka; ebisa, era ebisangaalya, era ebituuce nakusani.

Abʼe Looma 15:4

Byonabyona eBiwandiike eira babiwandiikire kutwegesya, kaisi olwo tubbenge nʼosuubi olwʼokuguminkiriza nʼolwʼamaani eBiwandiike agebituwa.

Abʼe Looma 3:2

Ala kigasira nakimo era mu buli ngeri! Engeri esookera nakimo niiyo eenu eti, aBayudaaya niibo oKibbumba abeyakwatisirye ebibono ebirimu obukwendabwe.

AMateeka 32:4

OMusengwa niiye eibbaale omu neebisa, era ebikolebye bituukirirye, amanzirage gonagona matuuce. Iye Kibbumba omwesigwa atakola ekitali kituuce, era akola ebituuce ebyʼobwenkanya.”

Abʼe Kolose 3:16

Ekibono kya Kurisito, omu busuni bwakyo bwonabwona, kityamire nakimo omunda mwinywe era kirungamyenge ebintu byonabyona ebimutumula nʼebimukola. Era mwegesyanganenge ni mulabulangana omu malabuki gonagona. Nga mwizwire okwebalya omu myoyo gyanywe, mwemberenge oKibbumba eZabbuli, nʼenyembo egyʼebika ebitali bimo oMwoyo egyabawa okuyiiya.

2 Temuseewo 1:8

Nʼolwekyo ensoni tigyakukwatanga okutumula oku Musengwa waiswe, ooba ku nze omusibewe; wazira wena oikirirye okudambira aamo na nze olwʼaMawuliro aMasa, nga twesiga maani ga Kibbumba.

2 Temuseewo 2:19

Neye oKibbumba yateekerewo oYesu nʼabatume ngʼomuntu owaayombeka omusingi omugumu, era oguliku eraama yʼebibono ebikoba biti, “OMusengwa amaite ababe.” Era biti, “Buli abbutula eriina lya Musengwa, azwe omu bibbibibbi.”

Yaakobbo 1:17

Aate buli kirabo ekisa era ekituukiriire kizwa omwigulu, ni kiika okuzwa egiri oKibbumba eyabbumbire ebyakira angulu omwibbanga, oyo atacuukacuuka ngʼebiiriirye owebikola.

Yoswa 1:8

EKitabo kinu ekyʼaMateeka okisomenge bulijo. Okifumintirizengeku omusana nʼobwire, kaisi obbenge mwegendereza okutuukiriryanga byonabyona ebibakiwandiikiremu. Awo wakulaakulananga era waabbanga nʼenkabi mu byonabyona ebiwakolanga.

Kubiikula 19:10

Awo ni ngwa oku mazwi okumpi nʼebigerebye okumusinza. Neye obone, nʼankoba ati, “Bbe, oleke! Ekyo tiwakikola! Osinze Kibbumba. Nze ndi muweererya-buweererya ooti niiwe nʼaboluganda abakaali bakalangukiire oku mazima oYesu ageyatumanyikisirye. Era ago niigo agawa abanaabbi ebibatumula.”