EZabbuli 18:9 - Bbaibbuli y'oLugwere

⁹ Nʼabiikulawo eigulu nʼaika ansi, endikiirya ekwaite ozigi zigi nʼebba ansi wʼebigerebye.

EZabbuli 18:9 ပူးပေါင်းရင်းမြစ်များ

2 Samwiri 22:10

Nʼabiikulawo eigulu nʼaika ansi, endikiirya ekwaite ozigi zigi nʼebba ansi wʼebigerebye.

EZabbuli 50:3

OKibbumba waiswe aiza, neye tikasirinkiriri, omusyo ogulunkuuma gumwekubbembeire, ompunga owʼamaani yamweruguuliriirye.

EZabbuli 68:4

Mwembere oKibbumba, mwembe okuwuuja eriinalye. Mumuwuuje iye oyo atambulira omu bireri. Eriinalye niiye oMusengwa, era mujaagaanire omumaisoge.

EZabbuli 97:3

Omusyo gumwekubbemberamu, ni gwoca abalabebe abamweruguliriirye.

OKuzwa 19:18

OLusozi oSinaayi lwonalwona ni luduunya omwosi, olwʼokubba oMusengwa ngʼali omu musyo yabbaire aikire oku lusozi olwo. Era omwosi ni guzwa omu lusozi ni gwaba e ngulu ooti mwosi gwʼetanuulu era olusozi lwonalwona ni lutengeeta ino.

Matayo 24:29

Awo ni yeeyongera ati, “Omu naku egyo, ngʼekiseera ekyokugada kyankuwa, ‘Eisana lyaliirugaza, nʼomweri gwalirekeraawo okwaka; nʼenkota gyalyanuka e ngulu ni gigwa, era nʼamaani agali angulu omwibbanga baligatengeetya.’ ”

Maako 15:33

Okuzwa oku saawa omukaaga paka oku saawa omwenda egyeigulo, endikiirya nʼekwata oku kyalo kyonakyona.

Yokaana 13:7

OYesu nʼamwiramu ati, “Iwe totegeera ekindi kukola esaawa eenu, neye oluzwanyuma walikitegeera.”

AMateeka 33:26

“Inywe aBaisirairi, mpaawo kibbumba gondi ali ngʼoKibbumba owaanywe, atambulira oku bireri nʼabita omwibbanga naiza okubabbeera, era atambulira oku bireri ngʼali omu kitiisyakye.

AbʼEbbulaniya 12:26

Ku ludi oweyatumuliire oku Lusozi oSinaayi eigonolye lyatengeeterye ekyalo, neye atyanu yasuubizire ati, “Njiza kwiramu okutengeetya ekyalo, era ku lunu tikyalo kyonkani, neye nʼomwigulu.”

2 Peetero 3:10

Neye olunaku oMusengwa oYesu oluyaliiriraku yaliizira omu kiseera ekimutamusuubiriramu ngʼomwibbi owaiza obwire. Oku lunaku olwo ebintu ebiri angulu oku kireri byalijigirika nʼomusyo, nʼangulu waliwaawo nga wairiitira ino, era ekyalo nʼebintu byonabyona ebirimu byaliwaawo.

Kubiikula 20:11

Awo ni mbona entebe eyʼobwakabaka enene era enjeru, ni mbona nʼoyo agityaimeku. Era olwʼentiisya yʼoyo atyama oku ntebe, ekyalo nʼeigulu ni bizwa omumaisoge, ni bijigirika biwaawo.