EZabbuli 18:7 - Bbaibbuli y'oLugwere

⁷ Awo ekyalo ni kiyuuga era ni kitengeeta. Emisingi gyʼensozi gyona ni gyenyeenya, era ni gitengeeta, olwʼokubba oKibbumba yabbaire asunguwaire.

EZabbuli 18:7 ပူးပေါင်းရင်းမြစ်များ

EZabbuli 34:16

Neye oMusengwa ayakanisya abo ibo abakola ebibbibibbi, okubonera nakimo ati abantu oku kyalo tibabeebukirya.

EZabbuli 34:18

OMusengwa abba kumpi nʼabawoiremu amaani, anunula abawoireiremu nakimo eisuubi.

EZabbuli 39:13

Ondeke nsangaaleku tete, nga nkaali okuzwa oku kyalo era nga nkaali okugoterera.

EZabbuli 40:2

Yantoire omu kiina ekyʼentiisya, nʼomwitonsi nʼanjinululya omu lutente, nʼanjemererya okwibbaale, ni ntambula nga ndi mugumu.

EZabbuli 46:2

Nʼolwekyo titwatyenge waire ekyalo kyatengeetanga, nʼensozi ni gyemuma omu lwabi lwʼenyanza;

Matayo 28:2

Kale owebatuukire ni wagwawo omusisi owʼamaani, olwʼokubba omalaika wa Musengwa iye oKibbumba yazwire omwigulu nʼaika oku magombe nago nʼayiringitya eibbaale eryabbaire omu mulyango nʼalitoolawo, era nʼalityamaku.

Bikole 4:31

Owebamalire okwegairira oKibbumba, ni wabbaawo okutengeeta omu kifo omubabbaire bakumbaaniire. Bonabona ni baizula oMwoyo oMutukulye, era ni batandiika okutumula ekibono kya Kibbumba nʼobugumu.

1 Abʼe Kolinso 13:2

Era singa mba nʼekirabo kyʼokutuuca oku bantu obukwenda obuzwa eeri oKibbumba, era ni ntegeera nʼebyamabye byonabyona, era ni mmanya nʼebintu byonabyona, era ni mba nʼokwikirirya kwonakwona okutoolawo ensozi, neye nga mbula okutaka, mba kinambulamu.

AMateeka 32:22

Obulwa bwange bukuma omusyo okwocerya nakimo nʼekiri ansi eeyo e magombe. Bwalimalawo ekyalo nʼebimera byaku, era ni bukwatisya omusyo okwoca emisingi gyʼensozi.’ ”

ABalamuzi 5:4

“Oo Musengwa, owewazwereire oku lusozi oSeiri, owewakumbiire okuzwa omu kitundu kyʼEdomu, ekyalo kyatengeetere nʼeigulu ni litoonyesya oikendi dala, ebireri ni bisusuca amaizi.