EZabbuli 18:2 - Bbaibbuli y'oLugwere

² OMusengwa niiye eibbaale lyange omuneebisa, niiye olugaga lwange era omununuli wange. OKibbumba wange, niiye eibbaale lyange omuneebisa, mwiye munjirukira okunkuuma. Era niiye engabo yange era niiye amaani agannunula, era niiye olugaga lwange.

EZabbuli 18:2 ပူးပေါင်းရင်းမြစ်များ

2 Samwiri 22:3

OKibbumba wange niiye eibbaale lyange omuneebisa, mwiye munjirukira okunkuuma. Niiye engabo yange, era niiye amaani agannunula. Niiye olugaga lwange, mwiye munjirukira okunkuuma era niiye omununuli wange, niiye annunula eeri abalabe bange.

EZabbuli 116:1

Ntaka oMusengwa, olwʼokubba awulira eigono lyange, nʼokwegairira kwange.

EZabbuli 132:17

“Aanu wenalisuucira omoiza okwibyaire lya Dawudi okubba kabaka omukulu, era ni nsuuca ogunasukireku amafuta kitangaala eeri abantu emirembe gyonagyona.

EZabbuli 144:2

Niiye ali nʼokutaka okutakoma egyendi, era ekikomera kyange ekiwanvu. Niiye olugaga lwange, era omununuli wange, niiye engabo yange era egyali ginjirukira okusuna obukuumi, oyo niiye aica amawanga ansi wange.

EZabbuli 19:14

Nsaba ebibono byange nʼebiseego byange obisiime. Musengwa niiwe eibbaale lyange omu neebisa, era niiwe omununuli wange.

EZabbuli 28:1

Nkwegairira iwe Musengwa eibbaale lyange omu neebisa. Tiwagaana okumpulisisya. Era singa wasirika obusiriki, nasenja abo abaabire e magombe.

EZabbuli 59:11

Neye Musengwa iwe engabo yaiswe tiwabaita, abantu bange bayinza okwerabira. Ngʼokolesya obwezyebwo, obagadangadye era obaice.

EZabbuli 62:2

Niiye yenkani eibbaale lyange omu neebisa era omununuli wange. Niiye olugaga lwange, era tinabbeerengeku nakimo nʼokutya.

EZabbuli 62:7

Obununuli bwange nʼekitiisya kyange bizwa eeri Kibbumba. Niiye eibbaale lyange eryʼamaani omu neebisa, era niiye ekiirukiro kyange.

EZabbuli 75:10

Yalijigirica amaani gʼababbibabbi, neye yalyongera agʼabatuukirirye.

EZabbuli 91:2

yamukobanga ati, “Niiwe ekiirukiro kyange era niiwe olugaga lwange, niiwe oKibbumba wange; niiwe oguneesiga.”

EZabbuli 91:4

Iye yakulabiriranga, era omu biyayabye mu wasunanga obukuumi. Obwesigwabwe bwabbanga ngaboyo okukukuumanga.

OKuzwa 15:2

OMusengwa niiye ampa amaani era niiye olwembo lwange; niiye andamirye abalabe. Niiye oKibbumba wange, era nʼamuwuujanga. Niiye oKibbumba wa bbaabba era nʼamugulumalyanga.

ENgero 18:10

OMusengwa, lugaga olwʼamaani, omutuukirirye omwairukira nʼasuna obukuumi.

ENgero 2:7

Awa obutegeeri abalongoole omu myoyo, Iye ngabo eeri abo abatambulira omu bwomi obunambulaku ekyʼokubunenya,

AbʼEbbulaniya 2:13

Era akoba ati: “Neesiganga Kibbumba.” Era ayaba omumaiso nʼakoba ati: “Ngonu ndi aanu aamo nʼabaana oKibbumba abeyampaire.”