EZabbuli 17:14 - Bbaibbuli y'oLugwere

¹⁴ Oo Musengwa, ngʼokolesya engaloyo eyʼamaani ondamye abantu abo abʼoku kyalo kunu, ibo abali nʼomugabo mu bwomi bunu. Era basune ekibonerezo kyabwe ekiwabategekeire, abaana baabwe basune ekibamala nʼabaizukulu bona bakisikire.

EZabbuli 17:14 ပူးပေါင်းရင်းမြစ်များ

EZabbuli 39:6

buli ooti kiriirye, tibubba omu kifo ekimo! Byonabyona ebyakola bimufeera bwereere. Akumbaania obugaiga nga tamaite eyalibba onanyerebwo.

EZabbuli 73:12

Kinu niikyo ababbibabbi ekibali, babba nakusani bulijo, era nga beeyongera kugaigawala.

ENgero 2:4

owewanoonianga amalabuki ooti onoonia feeza, era ooti onoonia byobusuni ebibabisire,

Matayo 13:44

Awo oYesu tete nʼabagerera olugero olundi ati, “Obwakabaka bwʼomwigulu tubufaananiaku nʼekyobusuni omuntu ekiyabisire omu musiri, kaisi omuntu ogondi nʼakivumbula era yena nʼakibisa awandi tete. Era olwʼeisangaalo eringi eriyabbaire nalyo nʼayaba nʼatunda ebintubye byonabyona ebiyabbaire nabyo, nʼagula omusiri ogwo.”

Luuka 16:25

“Neye oIbbulaimu nʼamwiramu ati, ‘Mwana wange, oyebukirye oti owewabbaire ngʼokaali oli mwomi oku kyalo wasunire ebisa ebibyo, ngʼoLazaalo iye ali mu kugada. Kale atyanu oLazaalo yena aanu ali mwisangaalo, wena ngʼoli omu bulumi obunene.

Luuka 16:8

“Awo omusengwawe nʼasiima omulabiririwe oyo omulyaki olwʼekikole ekyamalabuki ekyo ekyokwetegekera. Kiri kiti, abantu abataikirirya omu Kibbumba ibo balabukirabuki omu nkolagana yaabwe okukiraku ibo abantu abamwikiririryamu.

Yokaana 15:19

Kale singa mubbaire bamo kwibo nago bandibbaire babataka nga inywe abaabwe. Kiri kiti, timuli bamo kwibo wazira inywe nabalonderemu okuzwa omu bantu abo. Ekyo niikyo ekigira abo abanjakanisya ni babacaawa.

Yokaana 17:14

Era nabawaire ekibonokyo nʼolwekyo ekyalo ni kibacaawa olwʼokubba nti ibo nago tibakaali bʼekyalo ooti ninze owentali wʼekyalo.

Yokaana 8:23

Awo oYesu ni yeeyongera okukoba aBayudaaya abo nago ati, “Inywe muli bʼoku kyalo kunu, neye nze nazwire mwigulu. Inywe muli bʼoku kyalo, neye nze tindi wʼoku kyalo.

Yaakobbo 5:5

Musangaaliire omu byʼoku kyalo nga mwejalabya era ni bibawoomera. Atyanu ngoyo mweyagala amantamanya muti olunaku oKibbumba oluyababonereza lutuukiriire.