EZabbuli 16:6 - Bbaibbuli y'oLugwere

⁶ Ebyobusika ebyompaire bisa ino, mazima omugabo gwange musa ino.

EZabbuli 16:6 ပူးပေါင်းရင်းမြစ်များ

EZabbuli 61:6

Oyongereyo enaku gyʼobwomi bwa kabaka, awangaale emyanka nʼemyanka.

EZabbuli 78:55

Nʼabbingamu abanamawanga ngʼabantube bakituukiremu, nʼakibagabulyagiramu ngʼobusika. Era ebisito byabwe nʼabikwatisya ebika bya Isirairi.

Yokaana 20:17

Awo oYesu nʼamukoba ati, “Tiwaneevambiryaku olwʼokubba nkaali okukanga egiri oBbaabba. Wazira oyabe egiri abaganda bange obakobere oti, ‘Nkanga egiri oBbaabba era oItewaanywe, oKibbumba wange era oKibbumba waanywe.’ ”

Abʼe Looma 8:17

Aale ngʼowetuli baanabe, twalisikira ebyo ebiyasuubizire abantube era ni tugabanira aamo nʼoKurisito kwebyo oKibbumba ebiyamubisisirye. Ekyo kityo wekyalibba singa twabba nga tugadiire aamo nʼoKurisito, kaisi batuweere aamo naye ekitiisya.

AbʼEfeeso 1:18

Era nsaba nti emyoyo gyanywe gyeyongeremu amalabuki, kaisi mumanye ebintu ebyo oKibbumba ebiyatusuubizire iswe abeyasuucirye abantube, era mumanye nʼobusuni obubitiriri obwʼebintu abatuukirirye obubasuna.

2 Temuseewo 2:12

Owetuguminkirizira aamo naye, twalifugira aamo naye. Owetumwegaana, yena yalitwegaana.

AbʼEbbulaniya 12:2

nga tumaliire ebiseego byaiswe byonabyona ku Yesu yenkani. Okwikirirya kwaiswe kwemereirewo ku niiye, okuzwera nakimo oku ntadiika paka ku nkomerero yaakwo. OYesu oyo, olwʼeisangaalo eriyamaite ati yasuna ngʼamalire okufa, yagumiire okufeera oku musalabba, nandi nʼatya okuswala. Atyanu atyaime aamo nʼoKibbumba omu kifo ekyʼekitiisya eino.

Kubiikula 3:21

“ ‘Oyo awangula amaani ga Sitaani, nalimwikirirya okutyama aamo na nze oku ntebe eyange eyʼobwakabaka, nga zena owenawangwire, ni ntyama aamo nʼoBbaabba oku ntebeye eyʼobwakabaka.