EZabbuli 16:5 - Bbaibbuli y'oLugwere

⁵ Musengwa, niiwe ongabirira byonabyona. Era niiwe osalawo ebiri nʼokuntuukaku.

EZabbuli 16:5 ပူးပေါင်းရင်းမြစ်များ

EZabbuli 11:6

Ababbibabbi yabamagalicaaku amakala gʼomusyo nʼomusyo gwa salufa, nʼempewo yʼeibbugumu eribitiriri niibyo ebyabba omugabo gwabwe.

EZabbuli 116:13

Nasiirya ekikopo kyʼobununuli ni mpuuja eriina lya Musengwa.

EZabbuli 119:57

Oo Musengwa, niiwe omugabo gwange, nsuubiza okugonderanga ebiragirobyo.

EZabbuli 125:3

Ababbibabbi tibafugirirenge ekyalo kyʼabatuukirirye, demba abatuukirirye bona ni bakola ebibbibibbi.

EZabbuli 132:11

OMusengwa yalayiriire oDawudi omu mazima, nga yeeyama ekyeyamo ekyʼenkalaakalira ekiyatalireka ngʼakoba ati, “Nalityamisya omoiza okwibyaireryo oku ntebeyo eyʼobwakabaka.

EZabbuli 142:5

Oo Musengwa, nakwekungirira niiwe, ni nkoba nti, “Niiwe ekiirukiro kyange, niiwe owange omu kyalo kyʼaboomi.”

EZabbuli 2:6

“Nteekere okabaka wange, oku lusozi lwange olutukulye oSayuuni.”

EZabbuli 23:5

Ontegekera ekiinulo ngʼabalabe bange babona. Onjaniriza omu ngeri eyʼenjawulo ngʼonsiiga okalifuwa oku mutwe. Era oizulya ekikopo kyange du.

EZabbuli 73:26

Omubiri gwange nʼomwoyo gwange biyinza okubba binafu, neye oKibbumba niiye amaani gʼomwoyo gwange era niiye owange enaku gyonagyona.

EZabbuli 89:4

‘Omwibyaireryo niimwo omwazwanga abakabaka emirembe nʼemirembe, era ni njemereryawo obwakabakabwo emirembe gyonagyona.’ ”

EZabbuli 9:4

Ekyo kityo olwʼokubba waingiire omu nsonga gyange, nʼosinzirira oku ntebeyo eyʼobwakabaka nʼolamula omusango mu bwenkanya.

Bikole 2:32

OYesu oyo oKibbumba yamuzuukizire, era swenaswena abaikiriryabe, tweboneireku nʼagaiswe era tukikakasa eeri nabuli muntu.

Bikole 5:31

Era, oyo niiye oKibbumba oguyaniinirye, nʼamuwa okutyama omu kifo ekyʼekitiisya ngʼamuliraine oku ngalo endiiro, nʼasuuka niiye omufugi era oMulokoli kaisi aBaisirairi basune akakisa okwenenya, era oKibbumba ayezye okubasoniya ebibbibibbi.

1 Abʼe Kolinso 15:25

Ekyo kityo olwʼokubba oKurisito ateekwa okufuga ngʼoKabaka paka oKibbumba oweyaliwangula abalabe ba Kurisito bonabona.

AbʼEfeeso 5:18

Era timwateemeeranga mwenge, olwʼokubba mwiza kweyononesya ni mubba bafafaagani, wazira munonienge okwizula oMwoyo oMutukulye.

AMateeka 18:2

Tibaabbenge nʼomuwuluko omu Baisirairi abainaabwe. Omugabo ogwabwe gwazwanga mu kuweereryanga Musengwa omu bwakabona, ngʼoMusengwa oweyabakobere.”

AMateeka 32:9

Iye niiye oMusengwa wʼabantube, Eibyaire lya Yaakobbo niibo abantube abeyeerondeire.

Yoswa 22:25

OMusengwa yakolere oYoludaani okubba nsalo aakati waiswe na inywe ekika kya Lubbeeni nʼekya Gaadi. Mubula mugabo e wʼoMusengwa.’ Batyo abaizukulu baanywe bayinza okulekesyawo abaizukulu abaiswe okusinza oMusengwa oyo.

Yoswa 22:27

Neye twakyombekere, kibbe bujulizi aakati waiswe na inywe, era nʼabantu abʼemirembe egyaliiririra tuti twasinzanga oMusengwa ni tuwaayo esadaaka egibooca yonayona, nʼesadaaka eyʼokusyania, nʼebyʼokuwaayo ebindi, kaisi egibwiza abaizukulu baanywe tibakoba abaizukulu baiswe bati, ‘Mubula mugabo e wʼoMusengwa.’