EZabbuli 16:4 - Bbaibbuli y'oLugwere

⁴ Abasinza abakibbumba abandi baabbanga nʼebingi ebibaleyerya. Tinabeegaitengeku omu kuwaayo esadaaka gyabwe egyʼomusaaye, era tinasinzenge abakibbumba baabwe.

EZabbuli 16:4 ပူးပေါင်းရင်းမြစ်များ

ENtandiika 35:14

Era oYaakobbo nʼakomawo eibbaale ngʼekiijukizo omu kifo oKibbumba omu yatumuliire naye. Yasukire okwibbaale eryo ekyokunywa ekibawaayo, nʼamafuta gʼomuzaituuni okuliwonga eeri oKibbumba.

EZabbuli 32:10

Ababbibabbi nga bagada ino, neye ekisa kya Musengwa, kibba eeri iye oyo amwesiga.

EZabbuli 97:7

Bonabona abasinza ebifaananyi, abo abenyumiriza mwebyo ebitali Kibbumba, baswaire. Abakibbumba bonabona bakotamya emitwe okusinza oMusengwa.

OKuzwa 23:13

“Weegendereze okukolanga byonabyona ebinkukoba. Tosabanga abakibbumba abandi obubbeeri waire okubbutulaku amaliina gaabwe.”

ABaleevi 23:13

Era aamo nʼesadaaka eyo, mwawangayo nʼekyokuwaayo ekyʼempeke, ekyʼekiro ibiri egyʼobusye obwʼengaano obusa obubatabwiryemu obwito, nga niikyo ekyokuwaayo ekibooca nga bakiwaayo eeri nze oMusengwa ni kizwamu akaloosa akansangaalya. Era mwakiwangayo nʼekyokuwaayo ekyʼekyokunywa ekyʼerita moiza eyʼenviinyo.

Yona 2:8

“Abo abeesibiire oku kusinza ebintu ebinambulamu bafiirwa okusaasira okubandisunire.

Yoswa 23:7

Timwakolagananga nʼabʼamawanga ago agasigaire mwinywe. Timwasinzanga abakibbumba baabwe waire okulayiirira omu maliina gaabwe. Muteekwa okutabaweereryanga waire okukotama okubawa ekitiisya.