EZabbuli 16:11 - Bbaibbuli y'oLugwere

¹¹ Ondagire enzira yʼobwomi. Era olwʼokubba oli na nze wanjizulya eisangaalo. Era nga ndi oku lubba lwʼengaloyo endiiro nʼabba nʼeisangaalo emirembe gyonagyona.

EZabbuli 16:11 ပူးပေါင်းရင်းမြစ်များ

EZabbuli 139:24

Obone ooba nga ndimu ekibbikibbi kyonakyona, era onkubbembere omu nzirayo eyʼenkalaakalira.

EZabbuli 17:15

Neye nze nalibba omumaisogo olwʼokubba tinabbengere omusango. Era nalyesiima owenaliramukira ni nkubona maiso ku maiso.

EZabbuli 4:8

Nnambaala ni ngona mwidembe, olwʼokubba niiwe wenkani, Musengwa, onkuuma ni mba mwidembe.

EZabbuli 68:4

Mwembere oKibbumba, mwembe okuwuuja eriinalye. Mumuwuuje iye oyo atambulira omu bireri. Eriinalye niiye oMusengwa, era mujaagaanire omumaisoge.

ENgero 12:28

Enzira eyʼobutuukirirye erimu obwomi, era omu kisinde ekyo mpaamu kufa.

ENgero 2:19

Abaingira e wuwe tibaira; nʼokwira tibaira omu nzira yʼobwomi.

ENgero 4:18

Enzira eyʼabatuukirirye, ebba ooti isana erizwayo, ni lyaba nga lyeyongera okwaka paka musana perekete.

ENgero 5:6

Tafaayo oku nzira yʼobwomi, amanzirage macaamu neye takimaite!

Matayo 25:33

Entaama nʼagiteeka oku lubbaalwe olwʼengalo endiiro, kaisi embuli nʼagiteeka oku lubba lwʼengalo engooda.

Matayo 25:46

“Kale abo balibasindika oku kibonerezo ekitawaawo. Neye abatuukirirye balyaba mu bwomi obutawaawo.”

Matayo 5:8

Bʼenkabi abo abaseega ku biibyo oKibbumba ebyasiima byonkani, olwʼokubba ibo balibona oKibbumba.

Matayo 7:14

Neye omulyango ogwingira omu bwomi igwo mudiiŋi, era nʼenzira eyabayo ndiiŋi, era abagibona batono.”

Maako 16:19

Awo oMusengwa oYesu oweyamalire okutumula nabo, ni bamutwala omwigulu, nʼatyama nʼoKibbumba omu kifo kyʼekitiisya eino.

Bikole 2:28

Ondagire amanzira agendi nʼokukwata kaisi ntuuke omu bwomi. Olwʼokubba oli na nze, wanjizulya eisangaalo.’ ”

Bikole 7:56

OSitefaano nʼakoba ati, “Aale mubone! Mbona eigulu nga libiikukire, era mbona oMwana wa Muntu ngʼayemereire aamo nʼoKibbumba omu kifo ekyʼekitiisya eino.”

Abʼe Looma 8:11

Era, abba ngʼoMwoyo wʼoyo eyazuukizire oYesu ali mwinywe, iye eyazuukizire oKurisito Yesu okuzwa omu bafu nywena yaliwa emibiri gyanywe egifa obwomi okubitira omu Mwoyowe oyo aali mwinywe.

1 Abʼe Kolinso 13:12

Atyanu ekitubona oku Kibbumba kifaananaku nʼekifaananyi ekibonekera omu ndabirwamu entangaali. Neye oluzwanyuma twalimubona maiso ku maiso. Era atyanu titumaite buli kintu neye kwolwo twalibimanya byonabyona, ngʼoKibbumba owatutegeerera nakimo iswe.

2 Abʼe Kolinso 4:17

Ekyo kityo olwʼokubba okugada okwo okutubitamu ikwo kutono era kwa kaseera-buseera. Era ikwo kutuzweramu ekitiisya ekinene eino ekyalibbaawo emirembe nʼemirembe, era ikyo nga kikirira nakimo ino okugada okwo.

AbʼEfeeso 3:19

Era nsaba nti mumanye okutaka kwa Kurisito okwo newankubbaire nga tikyezyeka omuntu okukumanya nʼakumalayo, kaisi mwizulire nakimo obwa Kibbumba bwonabwona.

1 Peetero 1:21

Okubita mwiye nago, inywe mwikiririrya omu Kibbumba, iye oyo eyazuukizire oYesu kaisi oKibbumba nago nʼamugulumalya, era ekyo ni kibazweramu inywe okubba nʼokwikiririrya omu Kibbumba era nʼokumusuubiriramu.

1 Peetero 3:22

Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro, era oYesu ngʼafuga abamalaika, nʼebyobwezye era nʼebyʼamaani.

1 Yokaana 3:2

Kale bainange abatake, atyanu tuli baana ba Kibbumba, waire wona era ngʼekitwalibba kikaali okumanyikana. Cooka tumaite tuti oweyaliboneka, twalifaanana ooti niiye, olwʼokubba twalimubona dala ngʼobwali.

Yuda 1:24

Aale atyanu mumuwuujenge iye oKibbumba ayezya okubakuuma ni mutaingira omu kibbikibbi era nʼabatuuca omu kitiisyakye nga mubulaku ekyokubanenya era nga muli nʼokujaagaana okwʼamaani.

Kubiikula 22:5

Obwire tibwaliirayo kwirugala, era tibalyetaaganga kitangaala kyʼeitaala, waire ekyʼeisana, olwʼokubba oMusengwa iye oKibbumba niiye eyaabbanga ekitangaala kyabwe. Era, abaweereryabe bafuganga emirembe nʼemirembe.