EZabbuli 16:1 - Bbaibbuli y'oLugwere

¹ Oo Kibbumba onkuume, olwʼokubba njirukira eeri niiwe okunkuuma.

EZabbuli 16:1 ပူးပေါင်းရင်းမြစ်များ

EZabbuli 116:6

OMusengwa akuuma abatayezya kwerwanaku, owenabbaire mpoiremu eisuubi, yannunwire.

EZabbuli 125:1

Abo abeesiga oMusengwa bacaati ooti lusozi oSayuuni, olutasagaasagana, era olubbeerererawo emirembe gyonagyona.

EZabbuli 146:5

Wʼenkabi iye oyo ngʼoKibbumba wa Yaakobbo niiye obubbeeribwe, iye oyo ngʼeisuubirye liri mu Musengwa iye oKibbumbawe,

EZabbuli 17:5

Bulijo nsengereiryenge biibyo ebiwandagiire, era tincaamangaku naire.

EZabbuli 17:8

Onkuume ngʼobwokuuma emunge yʼeriisolyo, ombise omu kiiriirye kyʼebiyayabyo.

EZabbuli 22:8

“Yeesiga oMusengwa, aale amulamye. Abba ngʼoMusengwa amutaka, aale amununule.”

EZabbuli 25:20

Okuume obwomi bwange era ondamye; tiwanganya okuswala, olwʼokubba njirukira eeri niiwe okunkuuma.

EZabbuli 31:23

Mutakenge oMusengwa inywe nywenanywena abatuukiriryebe. OMusengwa akuuma abo abamwesiga, neye abʼamalala ababonerezera nakimo ino ngʼowebasaaniire.

EZabbuli 37:28

Ekyo kityo olwʼokubba oMusengwa ataka bwenkanya, era talekesula abamwesiga. Abakuuma emirembe gyonagyona. Neye eibyaire lyʼababbibabbi, balirijigirica.

EZabbuli 56:1

Oo Kibbumba onkwatire ekisa, olwʼokubba abantu bannumba. Okumalaku olunaku lwonalwona, abalabe bange banjiigania.

EZabbuli 60:1

Oo Kibbumba otulekeswire, era nʼotoolawo obukuumibwo egituli. Otusunguwaliire, neye otwiriryemu.

EZabbuli 7:1

Oo Musengwa, iwe oKibbumba wange, njirukira eeri niiwe okunkuuma. Onnunule era ondamye abo bonabona abanjiigaania,

EZabbuli 7:2

aanambula ekyo bannyiiryagamu ngʼompologoma owaakola ekyayiigire, bankutulyagamu nga mpaawo andamya.

EZabbuli 84:12

Oo Musengwa oWabwezye Bwonabwona, nga wʼenkabi iye oyo akwesiga!

EZabbuli 9:10

Ibo abo abakumaite Musengwa bakwesiga, olwʼokubba abakunoonia tobalekesula.

EZabbuli 97:10

Inywe abataka oMusengwa, mucaawe ekibbikibbi. Iye akuuma obwomi bwʼabo abamwesiga, era nʼabanunula omu bwezye bwʼababbibabbi.

ENgero 2:8

akuuma abakola ebyʼobwenkanya, era alabirira abo abamwesiga.

2 Abʼe Kolinso 1:9

Mazima dala twabbaire ooti bantu abebasaliire ogwʼokufa. Neye ekyo kyabbairewo kaisi titwesiga maani gaiswe, neye twesige Kibbumba yenkani iye azuukiza.

2 Temuseewo 1:12

Era kagira ndamba nti ngʼabantu banjakanisya era nga bangadya. Neye era, ekyo tikinkwatisya nsoni naire, olwʼokubba mmaite ogunaikiriirye, era nkakasa nti ayezya okukuuma obwomi bwange obunamubisisirye paka oku lunaku ludi olwʼenkomerero.