EZabbuli 15:4 - Bbaibbuli y'oLugwere

⁴ Era niiye oyo anyooma ababbibabbi, neye awa ekitiisya abo abatya oMusengwa. Niiye oyo atuukirirya ekyalayiire, era atacuuka nʼowekubba kufiirwa.

EZabbuli 15:4 ပူးပေါင်းရင်းမြစ်များ

Eseza 3:2

Abakungu ba kabaka bonabona ababbaire oku geeti ya kabaka, ni bakomeranga oKamani amazwi okumuwa ekitiisya, ngʼokabaka oweyabbaire alagiire. Neye oMoludekaayi nʼagaana okukomeranga oKamani amazwi, waire okumuwa ekitiisya.

EZabbuli 101:4

Neewalanga abadankaani, tinakolaganenge nʼababbibabbi.

EZabbuli 101:6

Omwesigwa eeri oKibbumba, niiye ogunsiima okubbanga aamo nanze. Oyo onambulaku kyokumunenya niiye eyampeereryanga.

EZabbuli 119:63

Ndi mukaagwa wa bonabona abakutya, era ndi mukaagwa wa bonabona abakwata amateekago.

EZabbuli 16:3

Abo abatuukirirye abali oku kyalo, niibo abakiraku obusa era mwibo niimwo eisangaalo lyange lyonalyona omuliri.

Matayo 5:33

Awo tete oYesu ni yeeyongera okwegesya ati, “Tete mumaite muti oKibbumba eira yakobere abazeiza baanywe ati, ‘Tolayiranga ebyobubbeyi, neye ebyosuubiza oMusengwa iye oKibbumba omu kirayiro, obituukiriryenge.’

Bikole 24:25

Awo oPawulo oweyatuukire oku kusonzola ebikwata oku nsonga yʼobutuukirirye nʼoku muntu okwefuganga, nʼoku lunaku oKibbumba olwayaba okusaliraku omusango, oFirikisi nʼatya. Kale nʼakoba oPawulo ati, “Ebyotumwireku byamala olwatyanu, osooke okome awo. Era okange, tete owenalisuna akaseera nalikweta.”

Bikole 28:10

Awo, ngʼengeri yʼokutuwa ekitiisya, ni batuweera nakimo ino ebirabo ebyʼenjawulo, era owetwatuucirye ekiseera kyʼokuseyeeya okuzwayo ni batugangirya byonabyona ebyo ebitwabbaire twetaaga nga tuli omu lugendo lwaiswe.

1 Yokaana 3:14

Cooka iswe tumaite tuti twazwire omu kufa, ni twingira omu bwomi olwʼokubba tutaka aboluganda. Era iye oyo abula okutaka abba akaali ali mu kufa.

ABalamuzi 11:35

OYefusa oweyamuboine, nʼanyiira ebizwalobye okulaga obunakuwali era nʼakoba ati, “Nga ndabire, mwala wange! Onnakuwairye ino! Era ondeeteire enima, olwʼokubba neeyamire eeri oMusengwa, era timpenzya okukimenyawo!”