EZabbuli 149:2 - Bbaibbuli y'oLugwere

² Oleke oIsirairi asangaalire oyo eyamukolere. Abantu bʼe Sayuuni basangaalire oKabaka waabwe.

EZabbuli 149:2 ပူးပေါင်းရင်းမြစ်များ

EZabbuli 47:6

Mwembe okuwuuja oKibbumba, mwembe okumuwuuja. Mwembe okuwuuja oKabaka waiswe, mwembe okumuwuuja.

EZabbuli 95:6

Mwize tukotame era tusinze, tukome amazwi omumaiso ga Musengwa, eyatubbumbire.

Matayo 21:5

“Mukobere abantu bʼe Sayuuni muti: ‘Aale mubone, okabaka waanywe aiza egimuli. Muwombeeki, era aiza ngʼatyaime oku mpunda, ekikoba nti aiza ngʼali oku mpunda omutomuto.’ ”

Matayo 25:34

“Awo oKabaka ngʼatyaime oku ntebeye nago, yalikoba abo abalibba oku lubba lwʼengalo endiiro ati, ‘Inywe oBbaabba abeyawaire enkabi, mwize mubbe omu bwakabaka obwebabategekeire okuzwa owebabbumbiire ekyalo.

Luuka 19:27

Kale atyanu abalabe bange ibo etibantakiirye okusuuka kabaka waabwe, mubaleete aanu, era mubaite nga mbona.’ ”

Luuka 19:38

Bembanga bati, “Wʼenkabi okabaka oyo aiza omu liina lya Musengwa iye oKibbumba! Eidembe libbe omwigulu, nʼekitiisya kibbe eeri oKibbumba aali omwigulu.”

Yokaana 19:15

Neye ibo era ni bakooka bati, “Omumalewo, omumalewo, omukomerere oku musalabba!” Awo oPiraato nʼababuulya ati, “Okabaka waanywe gumbe nkomerere oku musalabba?” Abakabona abakulu ni bamwiramu bati, “Tubula kabaka gondi, wazira oKaisaali.”

AMateeka 12:7

Eeyo omumaiso ga Musengwa iye oKibbumba waanywe gimwaliiranga, inywe nʼabʼomu bisito byanywe ni musangaala olwʼebyo byonabyona ebimwabbanga mukolere, olwʼokubba oMusengwa iye oKibbumba waanywe yaabbanga abawaire enkabi.”

Abʼe Firipi 3:3

Kiri kiti, niiswe abakomole abatuuce, olwʼokubba tusinza oKibbumba ngʼoMwoyowe niiye atulungamya, era nga tujaagaanira mu Kurisito Yesu. Kale titwesiga bulombolombo abantu obubakola oku kyalo,

Kubiikula 19:6

Tete ni mpulira eigono eriri ngʼeryʼekiyindi ekyʼabantu ekinene, era eriri ngʼokuwolomboga kwʼamaizi amangi, kaisi tete ooti kududula kwa ikendi okubitiriri, nga likoba liti: “Muwuuje oKibbumba, olwʼokubba oMusengwa iye oKibbumba waiswe oWabwezye Bwonabwona niiye afuga.

1 Samwiri 12:22

OMusengwa, okulwʼeriinalye erikulu, tayaba kubalekesula inywe, olwʼokubba yasiimire okubasuuca babe kububwe.