EZabbuli 148:4 - Bbaibbuli y'oLugwere

⁴ Omuwuuje iwe igulu eriri angulu ino, era omuwuuje iwe amaizi agali e ngulu wʼekireri.

EZabbuli 148:4 ပူးပေါင်းရင်းမြစ်များ

ENtandiika 1:6

Awo oKibbumba nʼakoba ati, “Wabbeewo eibbanga okwabulamu amaizi agali ansi wʼeibbanga nʼagali e ngulu omwibbanga, gabbe omu bifo bibiri.”

ENtandiika 1:7

Nʼateekawo eibbanga okwawula amaizi agali ansi wʼeibbanga nʼamaizi agali e ngulu omwibbanga, era ni kibba kityo.

ENtandiika 7:11

Oku lunaku olweikumi na musanvu, omu mweri gwokubiri, omu mwanka oNuwa oguyabbeereire nga wʼemyanka 600, ensulo gyonagyona egyʼomu nyanza enene ni gyeigula, nʼebituli byʼeigulu ni byeigula.

EZabbuli 104:3

Oyombeka ekifookyo e kyobbaamu ku maizi agali angulu, osuuca ebireri kigaalikyo ekyʼamaje, nʼotyama oku mpunga nʼakutambulya.

EZabbuli 113:6

OKibbumba niiye akotama nʼalingirira okubita omwigulu nʼabona ekyalo.

EZabbuli 68:33

Mwembere oyo atyama omwigulu, eryʼeira nʼeira. Muwulire ngʼabbwatuka nʼeigonolye eryʼamaani.

EZabbuli 69:35

olwʼokubba oKibbumba yalinunula oSayuuni, nʼayombeka obuyaaka ebibuga bya Yuda. Awo abantube balibba omwo, ekyalo ekyo ni kibba kyabwe.

2 Abʼe Kolinso 12:2

Wabbairewo omusaiza omwikirirya wa Kurisito ogummaite oKibbumba oguyatwaireku omwigulu eryokusatu, era atyanu emyanka ikumi neena egibitirewo. Timmaite ooba ngʼekyo kyamubbaireku dala ngʼomuntu, ooba omuntu oyo yasunire kwolesebwa. Ekyo, Iye oKibbumba niiye amaite.

AMateeka 10:14

“Eigulu lyonalyona ngʼowerikoma omu bugulumali bwalyo, era nʼekyalo nʼebikirimu byonabyona ibyo bya Musengwa iye oKibbumba waanywe.