EZabbuli 148:14 - Bbaibbuli y'oLugwere

¹⁴ Yasuucirye eigwangalye lyʼamaani, kagira abatuukiriryebe bonabona bamuwuuja, ibo aBaisirairi, abamuli oku mwoyo. Muwuuje oMusengwa.

EZabbuli 148:14 ပူးပေါင်းရင်းမြစ်များ

EZabbuli 112:9

Agabira abadoobi nʼomwoyo gumo. Era ebikolebye ebyobutuukirirye tibalibyerabira emirembe gyonagyona, bamugulumalyanga ni bamuwa ekitiisya.

EZabbuli 145:10

Oo Musengwa, ebyomi byonabyona ebiwakolere byakuwuujanga, nʼabatuukiriryebo bonabona bakuwuujanga.

EZabbuli 149:9

okutuukirirya ekibonerezo kyʼomusango ekibabawandiikireku. Okwo niikwo okwesiima kwʼabatya oMusengwa. Muwuuje oMusengwa!

EZabbuli 75:10

Yalijigirica amaani gʼababbibabbi, neye yalyongera agʼabatuukirirye.

EZabbuli 89:17

Ekitiisya kyabwe nʼamaani gaabwe bizwa eeri niiwe. Olwʼekisaakyo otuwa obuwanguli.

EZabbuli 89:18

Oo Musengwa, niiwe engabo yaiswe, niiwe oMutukulye wa Isirairi, owatuwaire okabaka waiswe.

EZabbuli 92:10

Neye nze ompaire amaani ooti ga mbogo, era onsukireku amafuta amasa.

Luuka 1:52

Ayanwire abʼobwezye oku ntebe gyabwe nʼabaica, neye nʼagangamula abo abʼeiwooyo.

Luuka 2:32

oti abbe ekitangaala eeri aBatali Bayudaaya, era aweesye abantubo aBaisirairi ekitiisya.”

AbʼEfeeso 2:13

Neye atyanu, olwʼokubba ekintu ekimo nʼoKurisito oYesu, inywe eira ababbaire e yala nʼoKibbumba, babaleetere eeri oKibbumba olwʼomusaaye gwa Kurisito.

AbʼEfeeso 2:17

Inywe aBatali Bayudaaya era ababbaire e yala nʼoKibbumba, oKurisito yaizire nʼalaabba egimuli aMawuliro aMasa agʼeidembe, era nʼakobera na iswe aBayudaaya ababbaire okumpi nʼoKibbumba.

AbʼEfeeso 2:19

Nʼolwekyo timukaali muli bantu bʼe nza ooba abaizaizana, wazira muli bʼekika kimo aamo nʼabatuukirirye, era muli bantu bʼomu nyumba ya Kibbumba.

AMateeka 10:21

Niiye ogumubba muwuujenge; niiye oKibbumba waanywe, iye eyabakoleire ebikulu nʼebyewunyo ebyʼentiisya inywe ebimweboneireku nʼagaanywe.

AMateeka 4:7

Igwangaki erindi eryʼamaani, eriri nʼokibbumba waabwe abali okumpi atyo, ngʼoMusengwa iye oKibbumba waiswe ngʼowaatubba okumpi nabuli owetumusaba?

1 Peetero 2:9

Neye inywe muli bantu abalondemu, era muli bakabona ba Kabaka, era muli igwanga eritukulye, era muli bantu ba Kibbumba iye onyere. Kale nʼomu ngeri eyo kaisi olwo mwezye okulangiriranga ebisa byʼoyo iye eyabeetere okuzwa omu ndikiirya yʼobutamanya oKibbumba, okwingira omu kitangaala ekyʼokumanya oKibbumba.

1 Samwiri 2:1

Awo oKaana nʼawuuja oMusengwa ngʼakoba ati, “OMusengwa aizwirye omwoyo gwange eisangaalo; oMusengwa ansuuciirye nakimo wʼamaani. Nsekerera abalabe bange, nsangaala olwʼokubba onnunwire.