EZabbuli 148:13 - Bbaibbuli y'oLugwere

¹³ Oleke ibo bawuuje eriina lya Musengwa, olwʼokubba eriinalye lyonkani niiryo eribagulumalya. Ekitiisyakye kiri angulu ino wʼebintu byʼoku kyalo nʼebyʼomwigulu.

EZabbuli 148:13 ပူးပေါင်းရင်းမြစ်များ

EZabbuli 108:4

Ekyo kityo olwʼokubba okutakakwo okutakoma kugulumali okukiraku eigulu; obwesigwabwo butuuka nʼoku kireri.

EZabbuli 113:4

OMusengwa niiye afuga amawanga gonagona, era ekitiisyakye kikiraku eigulu.

EZabbuli 150:6

Oleke ebiyeera byonabyona biwuuje oMusengwa. Muwuuje oMusengwa.

EZabbuli 57:6

Abalabe bange bategere omutego okumpapalya, ngoogookere omu bigosi ebimpitiriireku! Bakwire ekiina omu nzira yange, neye ibo abananyere niibo abakigwiremu.

EZabbuli 72:19

Eriinalye eryʼentiisya baliwuujenge emirembe gyonagyona. Ekyalo kyonakyona kiizule entiisyaye. Amiina era Amiina.

EZabbuli 8:1

Oo Musengwa, iwe oMusengwa waiswe, obukulu bwʼeriinalyo buboneka nabuli wantu omu kyalo kyonakyona! Era ekitiisyakyo kiboneka paka mwigulu.

EZabbuli 8:2

Wayegeserye abaana abatobato nʼebibbuuta okukuwuuja nakusani, omu ngeri eyo nʼosirica abalabebo, nʼabo abakulwanisya.

EZabbuli 8:9

Oo Musengwa, iwe oMusengwa waiswe, obukulu bwʼeriinalyo buboneka nabuli wantu omu kyalo kyonakyona!

EZabbuli 99:9

Mugulumalye oMusengwa iye oKibbumba waiswe, era mumusinzire oku lusozirwe olutukulye, olwʼokubba oMusengwa iye oKibbumba waiswe iye Mutukulye.

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

AbʼEfeeso 4:10

OKurisito oyo eyaikire, niiye oyo eyaniinire e ngulu eino, era nʼayaba omu kifo ekikira obukulu omwigulu mwonamwona, kaisi okufugakwe kwezye okubbambagira omwibbanga mwonamwona.

Abʼe Firipi 3:8

Dala ebintu ebyo byonabyona owembigeragerania mbona nga tibigasa, olwʼomugaso omubitiriri eino ogubambikuliire okutegeera oKurisito Yesu oMusengwa wange. Olwa Kurisito oyo nalekere ebintu byonabyona, era nze mbibona ngʼebisubi ebitagasa, olwo kaisi mbe muntuwe,

1 Peetero 3:22

Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro, era oYesu ngʼafuga abamalaika, nʼebyobwezye era nʼebyʼamaani.