EZabbuli 146:6 - Bbaibbuli y'oLugwere

⁶ iye eyakolere eigulu nʼekyalo, nʼenyanza nʼebigirimu byonabyona, iye oMusengwa asigala nga mwesigwa emirembe gyonagyona.

EZabbuli 146:6 ပူးပေါင်းရင်းမြစ်များ

ENtandiika 1:1

Omu ntandiika oKibbumba yabbumbire eigulu nʼekyalo.

EZabbuli 100:5

Ekyo kityo olwʼokubba oMusengwa musa, era okutakakwe okutakoma kubbeerererawo emirembe gyonagyona. Obwesigwabwe bubbeerererawo emirembe gyonagyona.

EZabbuli 115:15

Oleke oMusengwa abawenge enkabi, Iye eyakolere eigulu nʼekyalo.

EZabbuli 117:2

Mumuwuuje olwʼokubba, okutakakwe okutakoma kubitiriri egyetuli, nʼobwesigwabwe bubbeerererawo emirembe gyonagyona. Muwuuje oMusengwa.

EZabbuli 33:6

OMusengwa yabbumbire eigulu ngʼalagira-bulagiri, era nʼakola ebiri angulu byonabyona ngʼatumula kibono.

EZabbuli 89:2

Nkoba nti, “Okutakakwo okutakoma kubbeerererawo emirembe gyonagyona, obwesigwabwo tibuwaawo, bubbeerererawo ooti igulu.”

EZabbuli 89:33

Neye tinalirekeraawo okumutaka, waire okuleka okutuukirirya ekinamusuubizire.

EZabbuli 95:5

Enyanza yiye, olwʼokubba niiye eyagikolere, nʼolukalu niiye eyalwekoleire nʼengalogye.

EZabbuli 98:3

Ayebukiirye okutakakwe okutakoma nʼobwesigwabwe eeri aBaisirairi. Abantu omu kyalo kyonakyona baboine obununuli bwa Kibbumba waiswe.

OKuzwa 20:11

Ekyo kityo olwʼokubba omu naku omukaaga, Nze oMusengwa munabbumbiire ekyalo, nʼeigulu, nʼenyanza era nabuli kintu ekibirimu, neye oku lunaku lwomusanvu ni mpumula. Nʼolwʼensonga eyo, Nze oMusengwa nalwawiire okubba lutukulye.”

Yokaana 1:3

OKibbumba yakoleserye niiye okubbumba ebintu byonabyona. Era anambula iye mpaawo kintu kadi kimo oKibbumba ekiyabbumbire.

Yokaana 10:34

OYesu nʼabairamu ati, “Tibakiwandiikire omu Mateeka gaanywe bati oKibbumba yakobere ati, ‘Muli bakibbumba.’

Bikole 14:15

“Bantu inywe, niki ekibaleetera okukola ekyo? Swena ngʼowemutubona tuli bantu-buntu ooti niinywe. Tubaleeteire aMawuliro aMasa, ngʼekitubakoba kiri kiti, muzwe oku kusinza ebyo ebifaananyi-obufaananyi ebinambulamu, mwire oku kusinza oKibbumba onanyere obwomi, oyo eyakolere eigulu nʼekyalo, nʼenyanza, nʼebyo byonabyona ebibirimu.

AMateeka 7:9

Nʼolwekyo mumanye muti oMusengwa iye oKibbumba waanywe, niiye Kibbumba yenkani, era niiye oKibbumba omwesigwa, akuuma endagaanoye era nʼalaga okutakakwe okutakoma paka ku bantu abʼemirembe 1,000, egyʼabo abamutaka era abagondera ebiragirobye.

Abʼe Kolose 1:16

Ekyo kityo olwʼokubba iye niiye eyabbumbire ebintu byonabyona. Era ebyo nga mulimu ebiri omwigulu nʼebiri oku kyalo, nʼebyo ebiboneka nʼebitaboneka, nʼemyoyo emibbimibbi egifugira omwibbanga, nʼabʼobwezye. Era ebintu byonabyona babibbumbire kululwe era bibbe bibye.

Tito 1:2

Okwikirirya nʼamazima ago byeigikire ku kusuubira bwomi obutawaawo, oKibbumba atayezya kubbeya, obuyasuubizire okuzwa eira eino.

AbʼEbbulaniya 6:18

Mwekyo oKibbumba ekiyakolere, mulimu ebintu bibiri ebitacuusika, era omwotoyezya kubbeyera, ekisuubizokye nʼekirayiro. Nʼolwekyo iswe abairukiire egyali okunoonia obutyami mwiye twiramu ino amaani okwekalangulira omu bukakafu bwʼokusuna ekyo ekitunuwirira okusuna.

Kubiikula 14:7

Nʼakoba nʼeigono eryaminkirira ati, “Mutye oKibbumba, era mumuwe ekitiisya olwʼokubba ekiseera kituukire asale omusango. Mumusinze oyo eyabbumbire eigulu, nʼekyalo, nʼenyanza, nʼensulo egyʼamaizi.”