EZabbuli 143:12 - Bbaibbuli y'oLugwere

¹² Olwʼokutakakwo okutakoma, omalewo abalabe bange, ojigirice bonabona abanjiigaania, olwʼokubba ndi muweereryawo.

EZabbuli 143:12 ပူးပေါင်းရင်းမြစ်များ

EZabbuli 116:16

Oo Musengwa, mazima ndi muweereryawo; ndi muweereryawo, ngʼomama oweyabbaire. Onnunwire omu kufa.

EZabbuli 119:94

Ndi wuwo; onnunule, olwʼokubba neefudaku okutuukirirya ebiragirobyo.

EZabbuli 52:5

Neye oKibbumba yalikujigirica emirembe gyonagyona. Yalikwangula omu nyumbayo era nʼakunyiiranyiiramu, nʼakutoola omu kyalo kyʼaboomi.

EZabbuli 54:5

Oleke obubbibubbi abalabe bange obubantakirya bubacuukire. Omu bwesigwabwo obajigirice.

EZabbuli 54:7

Ekyo kityo olwʼokubba onnunwire omu bigosi byange byonabyona, ni mbona ngʼowangwire abalabe bange.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

1 Samwiri 25:29

Singa wabbaangawo akuyiiga okukwita, oMusengwa iye oKibbumbawo yakuumanga obwomibwo nakusani. Neye obwomi bwʼabalabebo oMusengwa yalibukasuka eedi ooti muntu akasuka amabbaale okuzwa omu nvuumuulo.

1 Samwiri 26:10

ODawudi era nʼakoba ati, “Mazima oMusengwa ngʼobwali mwomi, oMusengwa niiye eyalimwita, ooba ntuukogye egyʼokufa niigyo egyalituuka nʼafa, ooba yalyaba mu lutalo nʼafeerayo.