EZabbuli 143:10 - Bbaibbuli y'oLugwere

¹⁰ Onjegesye okukola ebyotaka, olwʼokubba niiwe oKibbumba wange. Oganye oMwoyowo omusa annungamye omu mweyaayo.

EZabbuli 143:10 ပူးပေါင်းရင်းမြစ်များ

EZabbuli 118:28

Iwe niiwe oKibbumba wange, era nakwebalyanga. Iwe niiwe oKibbumba wange, era nakugulumalyanga.

EZabbuli 119:12

Oo Musengwa nkuwuuja onjegesye amateekago.

EZabbuli 119:35

Ombeere okugonderanga ebiragirobyo, olwʼokubba mwibyo mu nsagaalira.

EZabbuli 139:24

Obone ooba nga ndimu ekibbikibbi kyonakyona, era onkubbembere omu nzirayo eyʼenkalaakalira.

EZabbuli 140:6

Oo Musengwa nkoba nti, “Niiwe oKibbumba wange.” Oo Musengwa, owulire okwegairira kwange, ombeere.

EZabbuli 22:1

Kibbumba wange, Kibbumba wange, lwaki ondekeswire? Lwaki omba yala nga nkwekungirira okumbeera?

EZabbuli 23:3

Anjiryamu amaani. Annungamya omu manzira amatuuce olwʼeriinalye.

EZabbuli 25:12

Muntuki atya oMusengwa? Oyo niiye oMusengwa oguyalungamyanga omu nzira egyasaaniire okukwata.

EZabbuli 27:11

Oo Musengwa, ondage enzirayo. Onnungamye omu nzirayo entuuce, olwʼokubba ndi nʼabalabe.

EZabbuli 31:14

Neye, nze neesiga niiwe Musengwa, era nkoba nti, “Niiwe oKibbumba wange.”

EZabbuli 63:1

Oo Kibbumba, niiwe oKibbumba wange, nkunoonia nʼomwoyo gwange gwonagwona. Obwomi bwange bukuli nyonta, nʼomubiri gwange gukukandiire ooti kyalo ekikalu ekikandiire, amaizi.

OKubala 9:22

Ekireri nʼowekyamalanga oku Weema eyo enaku eibiri, ooba omweri, ooba okukirawo, aBaisirairi nga basigala omu nkambi eyo, nandi ni basengukawo. Neye owekyasimbukangawo, nga basengukawo.

Matayo 28:20

nga mubeegesya okukwatanga byonabyona ebinabalagiire inywe. Era dala naabbanga na inywe paka ekyalo owekyaliwaawo.”

Yokaana 14:26

Neye oMubbeeri, iye oMwoyo oMutukulye oyo oBbaabba oguyalituma omu kigere kyange, yalibeegesya byonabyona era yalibeebukirya byonabyona ebimbakobeire.

Abʼe Looma 15:13

OKibbumba onanzwa wʼokusuubira, abaizulye inywe eisangaalo lyonalyona nʼeidembe olwʼokumwikirirya, kaisi olwo mweyongerenge okubba nʼosuubi olwʼamaani ga Mwoyo oMutukulye.

Abʼe Looma 15:30

Boluganda, mbegairiire omu liina lya Musengwa waiswe oYesu Kurisito, nʼolwʼokutaka kwa Mwoyo oMutukulye, mwefudeku aamo na nze okunsabira eeri oKibbumba.

Abʼe Looma 5:5

Kaisi dala osuubi oyo tiyalitusuka ni tufiika okusuna ebyo ebitusuubira, olwʼokubba oKibbumba yatusukiire okutakakwe omu myoyo gyaiswe. Okutaka okwo yakulagire ngʼakolesya oMwoyo oMutukulye oguyatuwaire.

Abʼe Looma 8:2

Ekyo kityo olwʼokubba amaani ga Mwoyo wa Kibbumba ago agatuwa obwomi obuyaaka, okubitira omu Kurisito oYesu, gabataiswirye inywe okuzwa omu maani gadi agʼekibbikibbi, ekibazweramu okufa.

Abʼe Looma 8:26

Kaisi okwongererya kwekyo, oMwoyo oMutukulye atubbeera omu bunafu bwaiswe, olwʼokubba titumaite okusaba oKibbumba ebintu ebinanyerenyeere ebyetaagisya. Neye iye yeegairira oKibbumba okulwaiswe ngʼamuwa amakulu gʼebyo ebitukaire okubbutula omu kukenyera kwaiswe.

AbʼEfeeso 4:30

Kale timusunguwalyanga oMwoyo oMutukulye owa Kibbumba omu ngeri egimutumulamu. OMwoyo oyo niiko akamanyiciryo ako akebalibamanyiciryaku oku lunaku olwʼokubanunuliraku.

AbʼEfeeso 5:9

Era omu kitangaala niimwo omuzwa obusa bwonabwona nʼokubba omuntu atuukiriire nʼokukola ebintu ebyʼamazima.

2 Temuseewo 1:7

OMwoyo oMutukulye oKibbumba oguyatuwaire tatusuuca kubba bantu abati, wazira atwizulya maani, na kutaka, na kwefuga.

AbʼEbbulaniya 13:21

abawe nabuli kisa kyonakyona ekimwetaaga okukolanga ebyataka. OKibbumba oyo akolere mwiswe byonabyona ebyasiima, ngʼabitira omu Yesu Kurisito, awomeire okumuwanga ekitiisya emirembe nʼemirembe. Amiina.

1 Yokaana 2:27

Neye inywe, oMwoyo oMutukulye oKurisito oguyabawaire, akaali ali mwinywe, era timwetaagisya muntu yenayena kubeegesya. Ekyo kityo olwʼokubba oMwoyo oyo nago abeegesya byonabyona ibyo ebinanyerenyeere, era tibinambulamu naire. Kale mubbenge mu nkolagana nʼoKurisito, ngʼoMwoyo oyo nago oweyabeegeserye.