EZabbuli 140:10 - Bbaibbuli y'oLugwere

¹⁰ Oleke amanda agameigera gabagweku, oleke babadyake omu musyo, babadyake omu biina ebyabiriri, tibabizwamu naire.

EZabbuli 140:10 ပူးပေါင်းရင်းမြစ်များ

ENtandiika 19:24

Awo oMusengwa nʼatoonyesya oku Sodoma nʼoku Gomola omusyo nʼobuganga bwa mabbaale ebyoca eino nga bizwa omwigulu.

EZabbuli 11:6

Ababbibabbi yabamagalicaaku amakala gʼomusyo nʼomusyo gwa salufa, nʼempewo yʼeibbugumu eribitiriri niibyo ebyabba omugabo gwabwe.

EZabbuli 120:4

Yalibabonereza nʼobulaso obwogi ooti bwʼomulwani, era nʼamanda agameigera.

EZabbuli 21:9

Owewaliboneka, walibadyaka omu musyo ogwʼamaani eino. OMusengwa yalibamalirawo nakimo omu bulwabwe, era omusyo gwalibajigirica.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

EZabbuli 64:9

Abantu bonabona balitya ni balangirira oKibbumba ebyakola, era ni bafumintiriza kwebyo ebyakola.

EZabbuli 7:17

Neebalyanga oMusengwa olwa bwenkanyabwe, era nayembanga okuwuuja oMusengwa oNambulaku aMwagaagana.

ENgero 28:10

Oyo iye agotesya omuntu omulongoole omu omwoyo nʼamutwala omu nzira embiibbi, yaligwa omu mutegogwe iye onanyere, neye abanambulaku ekyokubanenya balisuna ebisa.

ENgero 28:17

Omuntu abbenga omusango gwʼobwiti, yagadanga nagwo paka kufa; tiwaabbangawo omuntu amubbeera.

Matayo 13:42

Era abantu abo balibasindika omu musyo ogwʼamaani eino, eeyo e walibba okukunga nʼokuŋiiya amaino.

Matayo 13:50

Kaisi abo abakola ebibbibibbi balibasindika omu musyo ogwʼamaani eino, eeyo e walibba okukunga nʼokuŋiiya amaino.”

Kubiikula 20:15

Kale buli muntu ogubayajiirye ngʼeriinalye tibaliwandiikire omu kitabo ekyʼabantu abali nʼobwomi obutawaawo, bamudyakire mu nyanza eyʼomusyo.

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”