EZabbuli 14:3 - Bbaibbuli y'oLugwere

³ Neye abantu bonabona bamuzwireku, ni basuuka ekitagasa egyali. Mpaawo akola ebisa, era kadi waire moiza.

EZabbuli 14:3 ပူးပေါင်းရင်းမြစ်များ

ENtandiika 6:12

OKibbumba nʼabona ngʼekyalo kibebenyekere, olwʼokubba abantu bonabona babbaire bakola ebikole ebibbibibbi.

EZabbuli 119:176

Mmamaalikire ni nkuzwaku ooti ntaama agotere. Onnoonieku, nze omuweereryawo, olwʼokubba tinerabiranga ebiragirobyo.

EZabbuli 14:1

Abasirusiru bakoba omu myoyo gyabwe bati, “Mpaawo Kibbumba.” Boonoonoki, era bakola bibbibibbi; mpaawo akola ebisa.

EZabbuli 143:2

Tiwansalira nze omuweereryawo omusango, olwʼokubba mpaawo muntu atuukiriire omumaisogo.

EZabbuli 38:5

Amabbwa gange gavundire era gafunya olwʼobusirusiru bwange.

EZabbuli 58:3

Ababbibabbi bacaama kuzwa ngʼowebababyala, era bababyala nʼobubbeyi.

OKuzwa 12:30

Omu kiire ekyo oFalaawo nʼabakungube bonabona era nʼaBamisiri bonabona ni balamuka. Ni wabbaawo okukuukulya omu kyalo kyonakyona ekyʼe Misiri, olwʼokubba mpaawo kisito etikyafiiremu omuntu.

OKuzwa 8:31

Era oMusengwa nʼakola ngʼoMusa oweyasabire. Nʼatoolerawo oFalaawo, nʼabakungube, nʼabantube ebiziima byʼenzi, era nandi ni wasigalawo onzi kadi moiza.

Abʼe Looma 3:23

Kiri kiti, buli muntu yabbengere omumaiso ga Kibbumba, era nʼatayezya okuseseegerera oku kitiisya ekyatutakirya.

1 Abʼe Kolinso 6:5

Ntumula ekyo kuswaza niinywe. Dala mwinywe mpaamu muntu kadi moiza owʼamalabuki ayezya okumala empaka omu boluganda?

2 Abʼe Kolinso 7:1

Nʼolwekyo batake bange ngʼowebatusuubizire ebyo, twetukulye okuzwa mwebyo byonabyona ebyonoona omubiri nʼomwoyo, kaisi tubbeere nakimo batukulye olwa kutya oKibbumba.

AbʼEfeeso 2:3

Mazima swenaswena twabbaire bajeemu nga ibo, nga twabira ku kwegomba kwaiswe okubbikubbi okwʼomubiri, era nga tukola ebyo omubiri nʼebiseego byaiswe ebibitaka. Okufaanana ngʼabantu abandi bonabona, swena era oKibbumba yabbaire ngʼateekwa-buteekwi okutubonereza.

AMateeka 1:35

‘Mpaawo kadi moiza oku bʼomulembe gunu omubbimubbi, eyalingira omu kyalo ekisa ekinalayiire okuwa abazeiza baabwe,