EZabbuli 14:1 - Bbaibbuli y'oLugwere

¹ Abasirusiru bakoba omu myoyo gyabwe bati, “Mpaawo Kibbumba.” Boonoonoki, era bakola bibbibibbi; mpaawo akola ebisa.

EZabbuli 14:1 ပူးပေါင်းရင်းမြစ်များ

ENtandiika 6:5

Atyanu oMusengwa nʼabona ngʼabantu bakola ino ebikole ebibbibibbi oku kyalo. Era nabuli kufumintiriza kwʼemyoyo gyabwe nga kubbikubbi kwereere bulijo.

EZabbuli 10:4

Omubbimubbi yeewaana era tanoonia oMusengwa. Era omu biseegobye mpaamu Kibbumba.

EZabbuli 107:17

Abamo omu basirusiru bwabwe boonoonere, era ni bagada olwʼebibbibibbi byabwe.

EZabbuli 53:1

Abasirusiru bakoba omu myoyo gyabwe bati, “Mpaawo Kibbumba.” Boonoonoki, era bakola bibbibibbi; mpaawo akola ebisa.

EZabbuli 73:3

Ekyo kityo olwʼokubba abeekudumbalya bangongeirye, owenaboine ngʼababbibabbi abo bali omu bwomi obusa.

EZabbuli 92:6

Omuntu omumayaani tamanya kinu, era omusirusiru takitegeera ati,

ENgero 1:22

“Inywe ababisi, mwalituuca di okutaka obubisi? Inywe abanyoomi mwalituuca di okusangaalira obunyoomi? Inywe abasirusiru mwalituuca di okucaawa okumanya?

ENgero 1:7

Okutya oMusengwa, okumanya mu kutandiikira. Neye abasirusiru banyooma amalabuki, nʼebiragiro.

ENgero 13:19

Ekiweegomba owekituukirira kisangaalya omwoyo, neye okulekawo ekibbikibbi, kyʼomuliko eeri abasirusiru.

ENgero 27:22

Nʼowoodundira omusirusiru omu kuwuulo ooti baduunda kyokulya kyʼempeke, tomutoolamu obusirubwe.

Matayo 12:34

Inywe muli bakabbikabbi ooti mpiri enfulugundu! Mwezya mutya okutumula ebintu ebisa nga muli bantu abakola ebibbibibbi? Ekyo kityo olwʼokubba ebintu ebiizula omu mwoyo gwa muntu, omunwagwe niibyo ebigutumula.

Matayo 15:19

Ekyo kityo olwʼokubba omu mwoyo gwa muntu niimwo omuzwa ebiseego ebibbibibbi, nʼobwiti, nʼobulendi, nʼobudankaani, nʼobwibbi, nʼokusibirirya oku bantu, nʼokutumula ebyakalebule oku bantu.

Luuka 12:20

“Neye oKibbumba nʼamukoba ati, ‘Musirusiru iwe! Omu kiire kinu oyaba kufa, olwo ebyotegekere byabba byani?’

AbʼEfeeso 2:12

Mwebukiryenge muti mwabbaire mubula nkolagana nʼoKurisito, kale nga tibabalira omu bantu ba Kibbumba abʼeigwanga lya Isirairi. Era mwabbaire mubula mugabo omu ndagaano egirimu ebyo oKibbumba ebiyasuubizire abantube. Mwabbaire omu kyalo nga timumaite oKibbumba, era nga mubula suubi yenayena owokusuna obwomi obutawaawo.

Tito 1:16

Omu bʼengeri eyo mutira okubbaamu nʼabo abeetwala bati bamaite oKibbumba neye ngʼomu bibakola nʼengeri egibeebityamu balagira nakimo ngʼowebamwegaana. Bakoli bʼebyomuliko era bajeemu; tibasaanira mulimo omusa waire gumo.

Tito 3:3

olwʼokubba swena abanyere eira twabbaire basirusiru, era bajeemu, era ngʼatuli bagalama eeri okwegomba okubbikubbi nʼamasanyu aga buli ngeri. Twabbaire bʼeitima era abaizwire ensaalwa, ngʼabandi batucaawire, era nga swena abananyere tucaawangana.

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”

1 Samwiri 25:25

Nkwegairiire musengwa wange, tiwaafa oku kisaiza ekinambulamu ekyo eKinabbali, olwʼokubba ngʼeriinalye oweriri, era atyo bwali. Eriinalye niiye oNabbali, era alimu obusirusiru. Neye nze omuweereryawo, tinaboineku abaweereryabo iwe musengwa wange abewatumire.”