EZabbuli 135:9 - Bbaibbuli y'oLugwere

⁹ Niiye eyakusindikiremu obumanyiciryo wʼebyewunyo nʼebyamagero iwe Misiri, okubonereza oFalaawo nʼabakungube bonabona.

EZabbuli 135:9 ပူးပေါင်းရင်းမြစ်များ

EZabbuli 136:15

Neye iye nʼasaanyawo oFalaawo nʼamajeege omu Nyanza eyo eNtukuliki. Okutakakwe okutakoma kubbeerererawo emirembe gyonagyona.

EZabbuli 78:12

Yakolere ebyewunyo omumaiso gʼabazeiza baabwe nga bali omu kyalo kyʼe Misiri, omu kitundu kyʼe Zowani.

Bikole 7:36

Yabeekubbembeire okuwuluka omu Misiri era nʼakola ebyewunyisya nʼobumanyiciryo obwʼebyamagero omu kyalo kyʼe Misiri, nʼadi nga bali oku Nyanza eNtukuliki, era nʼomwidungu omubamalire emyanka 40.”

AMateeka 4:34

Ooba, wabbairekuuwo okibbumba ogondi eyabbaire agezeryeku okwaba okwetwalira abantu bʼeigwanga erimo ngʼabatoola aakati omwigwanga erindi, ngʼakolesya ebigezo, nʼobumanyiciryo wʼebyewunyo nʼebyewunyisya, nʼolutalo, nʼobwezye obubitiriri nʼamaani amangi ooba nʼebyentiisya enene, ngʼoMusengwa iye oKibbumba waanywe ebiyabakoleire omu kyalo kyʼe Misiri nga mubona?”

AMateeka 6:22

Tweboneireku nʼagaiswe obumanyiciryo bwʼebyewunyo nʼebyewunyisya oMusengwa ebiyakolere oku kyalo kyʼe Misiri nʼoku Falaawo, nʼoku bantu ba Falaawo bonabona.