EZabbuli 132:11 - Bbaibbuli y'oLugwere

¹¹ OMusengwa yalayiriire oDawudi omu mazima, nga yeeyama ekyeyamo ekyʼenkalaakalira ekiyatalireka ngʼakoba ati, “Nalityamisya omoiza okwibyaireryo oku ntebeyo eyʼobwakabaka.

EZabbuli 132:11 ပူးပေါင်းရင်းမြစ်များ

2 Samwiri 7:12

Enakugyo owegyalikuwaaku, nʼofa nʼosenja abazeizabo, naliteekawo omoiza oku baanabo abewabyaire, nʼabba kabaka era nalyemereryawo obwakabakabwo.

2 Samwiri 7:14

Nalibba iteeye, iye nʼabba mwana wange. Oweyakolanga ekitali ekituuce, namukangavulanga nʼomwigo ogubakangavulira abantu, nʼofaalu ogubafaamuulira abantu.

2 Samwiri 7:16

Abʼeibyaireryo bafuganga obwakabakabwo emirembe gyonagyona omumaiso gange, nʼentebeyo eyʼobwakabaka yabbeererangawo enaku gyonagyona.’ ”

EZabbuli 110:4

OMusengwa yalayiire era tiyalicuusa ekiyalayiire ati, “Oli kabona owʼemirembe nʼemirembe, okufaananaku nʼoMerikizedeki ngʼoweyabbaire kabona.”

EZabbuli 89:33

Neye tinalirekeraawo okumutaka, waire okuleka okutuukirirya ekinamusuubizire.

EZabbuli 89:35

Nalayiire omulundi gumo lumala olwʼeriina lyange eritukulye nti, oDawudi tinalimubbeya.

EZabbuli 89:37

Bwabbeerererangawo emirembe nʼemirembe ooti mweri owegwaka, ni gukola obujulizi obwesigwa angulu.”

EZabbuli 89:5

Oo Musengwa, eigulu likuwuujenge olwʼebyewunyobyo, obwesigwabwo bwona babuwuujenge omu lukumbaana lwʼabatukulye.

OKubala 23:19

OKibbumba timwana wa muntu okubbeya, era timwana wa muntu okucuuka omu biseego. OKibbumba atumula ekintu kaisi nandi nʼakikola? Asuubiza kaisi nandi nʼakituukirirya?

Luuka 1:32

Yalibba wʼobwezye, era balimweta Mwana wa Kibbumba oNambulaku aMwagaagana. OMusengwa iye oKibbumba yalimuwa okubba kabaka ooti zeizawe oDawudi.

Bikole 2:30

Nʼolwekyo, ekintu kyeraga kyonkani kiti oDawudi tiyabbaire yeetumulaku nanyere, neye olwʼokubba yabbaire naabbi, era ngʼamaite nakusani oKibbumba ekiyamusuubizire omu kirayiro ati, ‘Omoiza oku baizukulu ba Dawudi yalisikira entebe eyʼobwakabakabwe.’

AbʼEbbulaniya 6:18

Mwekyo oKibbumba ekiyakolere, mulimu ebintu bibiri ebitacuusika, era omwotoyezya kubbeyera, ekisuubizokye nʼekirayiro. Nʼolwekyo iswe abairukiire egyali okunoonia obutyami mwiye twiramu ino amaani okwekalangulira omu bukakafu bwʼokusuna ekyo ekitunuwirira okusuna.

1 Samwiri 15:29

Iye oyo eKitiisya kya Isirairi tabbeya ooba okucuusamu enseegaye, olwʼokubba timuntu nti yacuusamu enseegaye.”