EZabbuli 131:1 - Bbaibbuli y'oLugwere

¹ Oo Musengwa, tindi wʼamalala, tineekudumbalya, tineeniinianiinirya ku bintu ebintayezya, waire ku bintu ebimbitiriraku okubitegeera.

EZabbuli 131:1 ပူးပေါင်းရင်းမြစ်များ

2 Samwiri 6:22

Neeyongera okwemalamu ekitiisya nʼokukirawo, kaisi mbe omuntu ogubanyooma omumaisogo, neye abagalama abakali abo abootumwireku balimpa ekitiisya.”

EZabbuli 101:5

Nabuli asibirirya oku mwinaye omu mbiso, namujigiricanga. Nabuli owʼamalala era owʼeidumi tinamuguminkirizenge.

EZabbuli 122:1

Nasangaire owebankobere bati, “Twabe omu nyumba ya Musengwa.”

EZabbuli 124:1

Singa oMusengwa tiyabbaire oku lubba lwaiswe, atyanu oleke oIsirairi akobe ati,

EZabbuli 133:1

Dala nga kisa era kisangaalisya aboluganda okubba aamo nga bali ekintu kimo!

EZabbuli 139:6

Okumanya okwo okwommaitemu kwewunyisya, kumbitiriireku, timpezya okukutegeera.

ENgero 21:4

Okwekudumbalya nʼamalala, itaala lyʼababbibabbi, era ibyo kibbikibbi.

OKubala 12:3

Atyanu oMusa yabbaire musaiza muwombeeki ino okukiraku omuntu yenayena oku kyalo.

Matayo 11:29

Inywe abananyere mugondere enjegesya yange, era mwegere ku ninze, olwʼokubba ndi wʼeiwooyo era ndi muwombeeki. Era mwasuna ekiwuumulo kyʼemyoyo gyanywe.

Bikole 20:19

Mpeereirye oMusengwa nʼobugondi bwa mwoyo obubitiriri, era aakati omu kugada okunene waire nga nasunire okungezesya okwʼamaani olwʼenkwe aBayudaaya egibansaliranga.

Abʼe Looma 11:33

“Dala, obusuni bwa Kibbumba nʼamalabukige, nʼokumanyakwe nga tibimalikayo! Ebyateesa nga tibifumintirizikika! Engerigye nga tigitegerekeka!”

Abʼe Looma 12:16

Mubbenge nʼenseega ensa eeri buli moiza kwinywe nywenanywena. Timwabbanga abʼepanka neye mutakenge okubba omu mukago nʼabantu abeidaala lyʼansi.

AMateeka 17:20

nʼomwoyogwe okuteekudumbalirya oku Baisirairi abainaye, nʼacuusamu amateeka nago ooba okugagotesyagotesya. Awo iye nʼeibyairerye baliwangaalira oku bufugi bwʼobwakabakabwe omwIsirairi.”

1 Abʼe Sesalonika 2:10

Inywe mwezya okutujulira, era nʼoKibbumba atujulira ati empisa gyaiswe nga tuli mwinywe gyabbaire gya bwa Kibbumba egituukiriire, era eginambulaku kyokunenya.

1 Samwiri 16:13

Awo oSamwiri olwo kaisi nʼakwata eiziga lya mafuta, nʼamusukaku amafuta abagandabe nga babona. OMwoyo wa Musengwa nʼaika oku Dawudi nʼamaani, era oMwoyo oyo nʼabbanga naye okuzwa oku lunaku olwo. Awo oSamwiri nʼasetuka nʼakanga e Laama.

1 Samwiri 16:18

Awo omoiza oku baweereryabe nʼairamu ati, “Nze naboineyo omutaane wa Yese oMubbeserekeemu, omukugu omu kukubba otongoli, owʼamaani era omulwani omuzira, omutumuli omusa, ate era aboneka kusani. Era oMusengwa ali aamo naye.”

1 Samwiri 16:22

OSawulo nʼatuma obukwenda eeri oYese ngʼakoba ati, “ODawudi omwikirirye abbenge eenu, ngʼampeererya, olwʼokubba mmusiimire ino.”

1 Samwiri 17:15

Neye oDawudi yayabanga eeri oSawulo, tete nʼaira e Bbeserekeemu okuliisya entaama gya iteeye.

1 Samwiri 18:23

Awo abaweererya ba Sawulo ni bakoba oDawudi ebibono ebyo, neye oDawudi nʼababuulya ati, “Museega muti kintu kitono kiti okufumbirwa omwala wa kabaka, eino eino oku muntu ooti ninze omudoobi era ogubanyooma?”