EZabbuli 13:2 - Bbaibbuli y'oLugwere

² Nalituuca di okweyanika omwoyo, nʼokubba nʼenima omu mwoyo gwange nabuli lunaku? Omulabe wange yalituuca di okumpangulanga?

EZabbuli 13:2 ပူးပေါင်းရင်းမြစ်များ

Eseza 7:6

Awo Eseza nʼamwiramu ati, “Omulabe waiswe atuyigania, niiye omusaiza oyo omubbimubbi oKamani.” Awo oKamani nʼatya ino omumaiso ga kabaka nʼonabagereka.

EZabbuli 10:18

Olamula omusango gwʼabafuubbi nʼabebajooga ni basinga, kaisi omuntu-obuntu aleke okubatiisyatiisyanga.

EZabbuli 116:3

Akabbikabbi akʼokufa kabbaire kaneeruguuliriirye, entiisya yʼe magombe nʼeneesibaku, ni mba omu bugosi nʼenima.

EZabbuli 17:9

Ondamye ababbibabbi abannumba, era eeri abalabe bange abo abakabbikabbi abanzingiza.

EZabbuli 31:18

Obbuuneku eminwa gyʼababbeyi, abo abamalala era abʼeidumi abatumula okubbikubbi oku batuukirirye.

EZabbuli 38:17

Nkusaba ntyo olwʼokubba ndi kumpi kugwa, era ndi omu bulumi obutakoma.

EZabbuli 42:4

Omwoyo gwange gwizula enima oweneebukirya ebyʼeira, ngʼowenayabanga nʼekiyindi kyʼabantu, ni nabeekubbemberamu nga twaba omu nyumba ya Kibbumba, nga tuceera olwʼeisangaalo era tubbookooka okumuwuuja, omu kiyindi nga tujaguza.

EZabbuli 6:4

Oo Musengwa oirye omwoyo onnunule, ondamye olwʼekisaakyo.

EZabbuli 7:2

aanambula ekyo bannyiiryagamu ngʼompologoma owaakola ekyayiigire, bankutulyagamu nga mpaawo andamya.

EZabbuli 74:10

Oo Kibbumba, abalabe balituuca di okukujerega? Eriinalyo balirizumirira emirembe gyonagyona?

EZabbuli 74:18

Oo Musengwa, oyebukirye engeri omulabe egyakujeregere, nʼabasirusiru ngʼowebazumiriire eriinalyo.

EZabbuli 8:2

Wayegeserye abaana abatobato nʼebibbuuta okukuwuuja nakusani, omu ngeri eyo nʼosirica abalabebo, nʼabo abakulwanisya.

EZabbuli 9:6

Abalabe baiswe bawoireirewo nakimo emirembe nʼemirembe. Ojigiricirye ebibuga byabwe, era tibakaali babeebukirya.

ENgero 15:13

Eisangaalo lyʼomwoyo, lireeta akamwenyumwenyu omu maiso, neye enima eri oku mwoyo erubirirya obwomi.

Matayo 26:38

Kale nʼabakoba ati, “Omwoyo gwange gwizwire enima eyezya nʼokunjita! Musigale aanu era nga nywena mubonia.”

Luuka 22:53

Kale nabuli lunaku naabbanga na inywe omu Yeekaalu, nandi munkwata. Neye kinu niikyo ekiseera kyanywe, era niikyo ekiseera kyʼamaani gʼendikiirya.”

Yokaana 16:6

Inywe olwʼokubba mbakobeire nti njaba okubazwaku, tete emyoyo gyanywe giirire ni giizula nima.

Abʼe Looma 9:2

Ndi munakuwali ino, era omwoyo gunduma mudi amantalekera,

Abʼe Firipi 2:27

Ikyo ekyo kituuce kiti Epafuladiito yalwaire, era yabbaire abulaku katono kati kufa. Neye oKibbumba yamukwatiire ekisa, era tiniiye yenkani, neye na nze zena yakinkwatiire, nʼammalaku enima eyʼokulwalakwe era nʼokundamya enima tete eginankubbaire nayo singa yabbaire afiire.

1 Samwiri 18:29

oSawulo ni yeeyongera okutya oDawudi, era nʼabba mulabe wa Dawudi omu bwomibwe bwonabwona.

1 Samwiri 24:19

Omuntu owaayajirya omulabewe, amuleka nʼayaba amantamukolaku akabbikabbi? Kale nsaba oMusengwa akusasule nakusani olwʼengeri egyombitiryemu olwatyanu!