EZabbuli 128:3 - Bbaibbuli y'oLugwere

³ Omu kisitokyo, omukaliwo yalibba ooti muzabbibbu ogubala eino. Abaanabo balibba bangi ooti masaga agʼomusaale omuzaituuni nga beeruguuliriirye ekiinulokyo.

EZabbuli 128:3 ပူးပေါင်းရင်းမြစ်များ

ENtandiika 49:22

“Iwe Yusufu waabbanga kibyali ooti kikolo kyʼomuzabbibbu ekibala eino, era nga kiri kumpi nʼeiruba erikulumuka amaizi, era eibyaireryo lyabbanga ooti kikolo ekiri nʼamasaga agalandire ni gawoisya omugingi.

EZabbuli 127:3

Okubyala abaana kirabo okuzwa eeri oMusengwa, dala kirabo kinanyerenyeere.

EZabbuli 127:5

Wʼenkabi ali nʼomugobagwe nga gwizwire niibwo, abalabebe tibamuwangula, owaabba omu mpaka nabo omunda oku geeti yʼekibuga.

EZabbuli 144:12

Oganye abataane baiswe omu mavuvuka gaabwe bakule nakusani, ooti bimera ebikulire nakusani, nʼabaala baiswe baboneke nakusani ooti bikondo ebikulungule owebiwonekesya kusani olubiri.

EZabbuli 52:8

Neye nze ndi kusani omu nyumba ya Kibbumba ooti musaale omuzaituuni ogukula kusani. Neesiga kisa kya Kibbumba emirembe nʼemirembe.

Abʼe Looma 11:24

Aale obanga iwe, omu nkulayo, eyʼokubba eisaga lya musaale omuzaituuni ogwʼomu kigona, bakutoireyo ni bakuyunga oku musaale omuzaituuni ogwʼomu musiri ogutali gwʼekikulakyo, amasaga agebabyaliire oku musaale ogwo tigalibba mangu ino okugairya oku musaale gwago?