EZabbuli 127:3 - Bbaibbuli y'oLugwere

³ Okubyala abaana kirabo okuzwa eeri oMusengwa, dala kirabo kinanyerenyeere.

EZabbuli 127:3 ပူးပေါင်းရင်းမြစ်များ

ENtandiika 1:28

OKibbumba nʼawa omusaiza nʼomukali enkabi ngʼabakoba ati, “Mubyalagane era mweyongere obungi, mwizulye ekyalo era mukifuge. Mufugenge ebyʼomu nyanza, nʼebinyonyi, era nabuli ekitambula okwitakali.”

ENtandiika 24:60

Atyanu babbaire bakaali okubaseebula, ni basabira oLabbeeka enkabi, nga bakoba bati, “OKibbumba akuganye mwala waiswe obyalagane, enkali nʼensaiza, era eibyaireryo liwangulenge ebibuga byʼabalabe baalyo.”

ENtandiika 33:5

Awo Esawu nʼasiirya amaisoge, nʼalola oku bakali nʼabaana, kaisi nʼabuulya ati, “Banaani abo abooli nabo?” OYaakobbo nʼamwiramu ati, “Abo niibo abaana oKibbumba olwʼekisaakye abeyawaire omuweereryawo.”

ENtandiika 4:1

Awo oluzwanyuma Adamu ni yeegaita nʼoKaawa omukaliwe. Era oKaawa nʼabba kida, nʼabyala omwana mwisuka nʼamuwa eriina ati, Kaini, ngʼakoba ati, “OMusengwa ambeereire ni mbyala omwana omwisuka.”

ENtandiika 48:4

era nʼankoba ati, ‘Nalikuwa abaana bangi kaisi abaizukulubo ni mbasuuca mawanga amangi. Era naliwa eibyaireryo ekyalo kinu, ni kibba kyabwe emirembe gyonagyona.’

2 Samwiri 3:5

Nʼowomukaaga nga niiye oIsireyaamu, omaaye nga niiye Egula omuka Dawudi. Abo niibo oDawudi abeyabyaliire e Kebbulooni.

AMateeka 28:11

Era oMusengwa yabakoleranga ebisa bingi: Mwabyalagananga, era mwabbanga nʼebyayo bingi, era ni mubalyanga ino, ebimwalimanga omu kyalo oMusengwa ekiyalayiriire abazeiza baanywe okubawa inywe.

AMateeka 28:4

“Mwabbanga nʼenkabi ni mubyalagana ni mubba bangi ino, nʼebirime byʼokwitakali lyanywe byabalanga ino, nʼebisibo byanywe byabyalagananga ino ni bibba binene.”

ABalamuzi 12:9

Yabbaire nʼabataane 30 nʼabaala 30. Nʼagaba abaalabe okufumbirwa abatali bʼekikaakye. Nʼakwera abataane abaala 30 okuzwa omu batali bʼekikaakye. Nʼalamula oIsirairi emyanka musanvu.

1 Samwiri 1:27

Oonu niiye omwana ogunasabire oMusengwa, era yawuliire okusaba kwange, nʼamumpa.