EZabbuli 125:3 - Bbaibbuli y'oLugwere

³ Ababbibabbi tibafugirirenge ekyalo kyʼabatuukirirye, demba abatuukirirye bona ni bakola ebibbibibbi.

EZabbuli 125:3 ပူးပေါင်းရင်းမြစ်များ

EZabbuli 103:14

Amaite ngʼobweyakolere emibiri gyaiswe, ayebukirya ati tuli nkungu.

EZabbuli 103:9

Tasengererya okutuvunaana, waire okubbeererera omusunguwali emirembe gyonagyona.

EZabbuli 55:20

Omuntu owange alumbire abakaagwabe, nʼamenya endagaano egiyakolere nabo.

EZabbuli 89:22

Abalabebe tibamuwangulenge, nʼababbibabbi tibamuyingenge.

ENgero 22:8

Iye oyo asiga obutali bwenkanya, yalikungula miteewaana, nʼokulumya abainaye omu bukambwebwe, kwaliwaawo.

1 Abʼe Kolinso 10:13

Mumanye muti ebikemo ebimubitamu niibyo ebituuka oku bantu bonabona. Iye oKibbumba mwesigwa, era tiyalekenge ni babakema okukiraku ekimwezya okugumira. Neye owebabakemanga era yabawanga engeri yʼokukigumira era awo nʼabateekerawo nʼengeri yʼokukibitamu.

Kubiikula 2:10

Tiwaatya ebigosi byonabyona ebyoyaba okubitamu. Obone, oSitaani yatira okuteeka abamo kwinywe omu mabbuusu okubagezesya, era balibayiigaanirya enaku ikumi. Obbenge omwesigwa nʼowekibba kyakutuuca ku kufa, nze nalikuwa obwomi ngʼengule eraga obuwangulibwo.

1 Samwiri 24:10

Olwatyanu weeboneireku nʼagago ngʼoMusengwa owaabbaire akuwaireyo omu bwezye bwange omu mpuku. Wabbairewo abankobere nkwite, neye nze ni nkuleka. Ni nkoba nti, tinakukoleku akabbikabbi musengwa wange, olwʼokubba niiwe oyo oMusengwa oguyasukireku amafuta.