EZabbuli 121:7 - Bbaibbuli y'oLugwere

⁷ OMusengwa yakukuumanga eeri nabuli kabbikabbi, yalabiriranga obwomibwo.

EZabbuli 121:7 ပူးပေါင်းရင်းမြစ်များ

ENtandiika 28:15

Okimanye oti, naabbanga na iwe, era nakukuumanga wonawona e giwaabanga, era nalikwirya okwitakali linu. Tinalikulekawo, era nakukoleranga byonabyona ebinkusuubizire.”

EZabbuli 145:20

OMusengwa akuuma abo bonabona abamutaka, neye yalijikirica ababbibabbi bonabona.

EZabbuli 34:22

OMusengwa anunula obwomi bwʼabaweereryabe. Mpaawo kadi moiza kwabo abairukira egyali okubakuuma ogubalisingisya omusango.

EZabbuli 41:2

OMusengwa amukuuma nʼamuwa obwomi, amuwa enkabi omu kyalo, tamuwaayo omu bwezye bwʼabalabebe.

EZabbuli 97:10

Inywe abataka oMusengwa, mucaawe ekibbikibbi. Iye akuuma obwomi bwʼabo abamwesiga, era nʼabanunula omu bwezye bwʼababbibabbi.

ENgero 12:21

Omutuukirirye mpaawo akabbikabbi akamutuukaku, neye ababbibabbi baizula bigosi.

OKubala 6:24

“ ‘OMusengwa abawe enkabi; era abakuumenge;

Matayo 6:13

Era tiwatuleka okugwa omu bikemo, wazira otulamye eeri omubbimubbi. [Ibwo obwakabaka, nʼobwezye nʼekitiisya bibyo emirembe nʼemirembe. Amiina].’

Abʼe Looma 8:28

Tumaite tuti eeri abo abataka oKibbumba era abeyayetere okusinzirira oku kigendererwakye egibali, buli kintu ekibatuukaku, iye akikolaku ni kibazweramu busa.

2 Temuseewo 4:18

Era oMusengwa yannunulanga mu buli kabbikabbi, era yalintuuca kusani omu bwakabakabwe obuli omwigulu. OMusengwa oyo tumuwenge ekitiisya emirembe nʼemirembe. Amiina.