EZabbuli 120:4 - Bbaibbuli y'oLugwere

⁴ Yalibabonereza nʼobulaso obwogi ooti bwʼomulwani, era nʼamanda agameigera.

EZabbuli 120:4 ပူးပေါင်းရင်းမြစ်များ

EZabbuli 45:5

Obulasobwo obwogi busumute emyoyo gyʼabalabebo, Owangule abanamawanga babbe ansi wʼobwezyebwo.

EZabbuli 52:5

Neye oKibbumba yalikujigirica emirembe gyonagyona. Yalikwangula omu nyumbayo era nʼakunyiiranyiiramu, nʼakutoola omu kyalo kyʼaboomi.

EZabbuli 57:4

Ndi aakati omu balabe abali ooti mpologoma egiri amairu okukaavuula abantu. Amaino gʼabalabe bange gabeesongoirye ooti masimo nʼobulaso. Endimi gyabwe njogi ooti mpiima.

EZabbuli 59:7

Owulire ebibono ebibakaasa okuzwa omu minwa, bakaasa ebibono ebisumuta ooti mpiima. Baseega bati mpaawo abawulira.

EZabbuli 7:13

Ategekere ebyokulwanisyabye ebiita, yeetegekere okulasa obulasobwe obuliku omusyo empembi.

ENgero 11:12

Omuntu omusirusiru atumula kubbikubbi oku omwinaye, neye omuntu omutegeeri, yeesirikira.

ENgero 11:18

Omubbimubbi empeera egyasuubira tiniiyo egyasuna, neye iye oyo akola ebyʼobutuukirirye asuna empeera enanyerenyeere emugasa.

ENgero 11:9

Ebibono byʼomuntu atatya oKibbumba bijirica abainaye, neye abatuukirirye, okumanya kubanunula.

ENgero 12:22

OMusengwa acaawa abantu abatumula ebyʼobubbeyi, neye asangaalira abantu abʼamazima.

ENgero 16:27

Omuntu omubbimubbi ategeka kukola bubbibubbi, nʼebyatumula bibabula ooti musyo.

ENgero 18:21

Olulumi lwezya okuleeta okufa ooba obwomi; kale abalukolesya eino, bakungulanga ebiruzwamu.

ENgero 18:8

Ebibono byʼomugeyi biwooma ino, bingira omuntu ni bimugwa oku mwoyo.

ENgero 19:5

Omujulizi owʼobubbeyi tibalikaya okumubonereza, nʼoyo atumulyaga ebyobubbeyi tiyaliwunuka ekibonerezo.

ENgero 19:9

Omujulizi owʼobubbeyi tibalikaya okumubonereza, nʼoyo iye atumulyaga ebyʼobubbeyi yalijigirika.

Kubiikula 21:8

Neye abo abati, nʼabataikirirya, nʼababebenyekere, nʼabaiti, nʼabalendi, nʼabalogo, nʼabasinza ebifaananyi, nʼababbeyi bonabona, omugabo gwabwe gwalibba mu nyanza eyʼomusyo ogududumuka, okwo nga niikwo okufa okwokubiri.”