EZabbuli 116:2 - Bbaibbuli y'oLugwere

² Olwʼokubba antegera ekitwi, namusabanga omu kiseera kyʼobwomi bwange bwonabwona.

EZabbuli 116:2 ပူးပေါင်းရင်းမြစ်များ

EZabbuli 28:6

OMusengwa bamuwuuje, olwʼokubba awuliire nga mmwekungirira okunkwatira ekisa.

EZabbuli 31:2

ontegere ekitwikyo, oyanguwe okunnunula. Obbe niiwe eibbaale lyange omu neebisa, ekikomera ekiwanvu omumba nandi ni nsuna obugosi.

EZabbuli 31:3

Ngʼobwoli niiwe eibbaale lyange omu neebisa, era olugaga lwange, olwʼeriinalyo, onnungamye era onkubbembere.

EZabbuli 40:1

Nakuumiriire nʼokuguminkiriza oMusengwa okumbeera, yeetegerezere nʼawulira owenamwekungiriire.

EZabbuli 88:1

Oo Musengwa iwe oKibbumba annunula, nkwekungirira omusana nʼobwire.

Yona 2:3

Wankasukire ansi eeyo omu lwabi, ansi eeyo omu maizi awakira okubba awaabiriri, era amaizi amangi ni gambuunaku; amayengogo gonagona nʼamaizi ageedumbya ni gaika ni bimmooma.

Luuka 18:1

Awo oYesu nʼagerera abeegibe olugero okubeegesya ati bateekwa okusabanga oKibbumba bulijo anambula okudemba.

Abʼe Firipi 4:6

Timweraliikiriranga olwʼekintu kadi kimo, neye omu mbeera yonayona musabenge oKibbumba era mumwegairirenge, era mumwebalyenge, era ebimutaka mubimusabenge niiye.

Abʼe Kolose 4:2

Munyikirenge okusaba, nga timwiririra era nga timwerabira okwebalya oKibbumba olwʼebyabakoleire.