EZabbuli 115:9 - Bbaibbuli y'oLugwere

⁹ Inywe abʼenyumba ya Isirairi, mwesigenge Musengwa, niiye ababbeera era niiye engabo yaanywe.

EZabbuli 115:9 ပူးပေါင်းရင်းမြစ်များ

EZabbuli 125:1

Abo abeesiga oMusengwa bacaati ooti lusozi oSayuuni, olutasagaasagana, era olubbeerererawo emirembe gyonagyona.

EZabbuli 130:7

Oo Isirairi weesigenge Musengwa, olwʼokubba oMusengwa ali nʼokutaka okutakoma, era nabuli kiseera mutegeke okukununula.

EZabbuli 37:3

Weesigenge oMusengwa era okolenge ebintu ebisa, olwo waabbanga nʼeidembe oku kyalo.

EZabbuli 62:8

Bantu bange, mwesigenge oKibbumba nabuli kiseera. Mumukoberenge niiye ebigosi byanywe byonabyona, olwʼokubba niiye ekiirukiro kyaiswe.

EZabbuli 84:11

Ekyo kityo olwʼokubba oMusengwa niiye eisana era engabo. OMusengwa atulaga ekisa era nʼatuwa nʼekitiisya. Mpaawo kintu ekisa ekyaima abo abatambulira omu bwomi obunambulaku ekyokubunenya.

OKuzwa 19:5

Kale atyanu, owemwagonderanga ebiragiro byange, ni mukuumanga endagaano yange, mwabbanga bantu bange abenkira okutaka omu bantu bonabona, newankubbaire ngʼekyalo kyonakyona kyange.

ENgero 30:5

“Nabuli kibono kya Kibbumba kyʼamazima; niiye engabo yʼabo abairukira egyali okusuna obukuumi.

AbʼEfeeso 1:12

Era ekyo kituwa iswe aBayudaaya, abantu abasookere okusuubira oKurisito, ni tuwuuja ekitiisya kya Kibbumba.

AMateeka 33:29

Oo iwe Isirairi, ngʼooli wʼenkabi! Naani ali nga iwe, eigwanga oMusengwa eriyanunwire? OMusengwa niiye engabo yaanywe era niiye ababbeera era empiima ebaleetera okuwangula. Abalabe baanywe baliiza ni babeegudyera, neye inywe mwalyemyaga emibiri gyabwe.”