EZabbuli 115:4 - Bbaibbuli y'oLugwere

⁴ Neye ebifaananyi ebyʼokusinza ebyʼabakibbumba baabwe byʼefeeza na zaabbu, abantu ebibeekolera na ngalo.

EZabbuli 115:4 ပူးပေါင်းရင်းမြစ်များ

EZabbuli 97:7

Bonabona abasinza ebifaananyi, abo abenyumiriza mwebyo ebitali Kibbumba, baswaire. Abakibbumba bonabona bakotamya emitwe okusinza oMusengwa.

Bikole 19:26

Neye mubona era mwewuliriraku abanyere ngʼomusaiza onu oPawulo owaabbeegereirye era atyo nʼagaluca abantu bangi, timwEfeeso mwonkani neye kumpi ooti omwAsiya mwonamwona. Abakoba nambu ebifaananyi abantu abanyere ebibayeesa tibakibbumba abananyerenyeere.

Bikole 19:35

Awo omusaiza omukungu akola ngʼomuwandiiki owʼekibuga nʼasirica abantu. Awo nʼabakoba ati, “Bantu bʼEfeeso bainange, neso muntuki oku kyalo kunu atamaite ngʼekibuga kyʼaBefeeso owekiri niikyo ekikuumi kyʼeisabo lyʼAluteemi owʼekitiisya aamo nʼekifaananyikye ekyazwire omwigulu?

AMateeka 4:28

Eeyo gimwaliweerererya ebifaananyi byʼokusinza ebyʼabakibbumba abantu ebibakolere omu bisaale nʼomu mabbaale, ibyo ebitabona waire okuwulira, era ebitalya waire okufunyirya.