EZabbuli 113:5 - Bbaibbuli y'oLugwere

⁵ Naani ali ngʼoMusengwa Iye oKibbumba waiswe, Iye atyama oku ntebeye eyʼobwakabaka eri omwigulu?

EZabbuli 113:5 ပူးပေါင်းရင်းမြစ်များ

EZabbuli 103:19

OMusengwa yateekere entebeye eyʼobwakabaka mwigulu, era okwo kwafugira byonabyona.

EZabbuli 11:4

OMusengwa ali omu Yeekaaluye entukulye, oMusengwa ali oku ntebeye eyʼobwakabaka omwigulu. Alingirira abantu bonabona, era yeekeenenya ebibakola.

EZabbuli 35:10

Nʼobwomi bwange bwonabwona nalikoba oMusengwa nti, “Oo Musengwa, naani aali nga iwe! Onunula omunafu eeri amukiraku eino amaani, nʼonunula omudoobi nʼadamba, eeri abamunyagaku ebibye.”

EZabbuli 89:6

Naani oku bali omwigulu ogubayezya okugeraagerania oku Musengwa? Kiriina oku bibbumbe byʼomwigulu ekiri ooti Musengwa?

EZabbuli 89:7

Omu lukiiko lwʼabatukulye omwigulu oKibbumba bamutyera nakimo ino, wʼentiisya okukiraku bonabona abamweruguuliriirye.

EZabbuli 89:8

Oo Musengwa oWabwezye Bwonabwona, naani aali ooti niiwe? Oo Musengwa, oli nʼobwezye era oli mwesigwa mu byonabyona.

EZabbuli 89:9

Ofuga enyanza nʼokwefukuula kwayo, amayengo owegeedumbya ogaikaikania.

OKuzwa 15:11

“Oo Musengwa, omu bakibbumba naani aali ooti niiwe? Naani aali ooti niiwe; owʼekitiisya era omutukulye owentiisya ogubawuuja, era akola ebyewunyo?

AMateeka 33:26

“Inywe aBaisirairi, mpaawo kibbumba gondi ali ngʼoKibbumba owaanywe, atambulira oku bireri nʼabita omwibbanga naiza okubabbeera, era atambulira oku bireri ngʼali omu kitiisyakye.