EZabbuli 112:6 - Bbaibbuli y'oLugwere

⁶ Mazima yaabbanga mucaati bulijo, era bamwebukiryanga emirembe gyonagyona.

EZabbuli 112:6 ပူးပေါင်းရင်းမြစ်များ

EZabbuli 125:1

Abo abeesiga oMusengwa bacaati ooti lusozi oSayuuni, olutasagaasagana, era olubbeerererawo emirembe gyonagyona.

EZabbuli 15:5

Niiye oyo akoopa abantu empiiya nga tasasulisya amagoba, era ataikirirya enguzi okusibirirya kwoyo abulaku omusango. Nabuli akola ebyo, yaabbanga mucaati emirembe gyonagyona.

EZabbuli 55:22

Ebigosibyo obikwatisyenge Musengwa, niiye eyakubbeeranga. Tiyalekenge abatuukirirye, abantu okubawangula.

EZabbuli 55:23

Neye iwe Musengwa, abantu abo abatemo nʼababbeyi walibadyaka omu kiina ekitakoma ngʼemyanka egibandiwangaire bakaali nʼokugituuca aakati. Neye nze neesiganga niiwe.

EZabbuli 62:2

Niiye yenkani eibbaale lyange omu neebisa era omununuli wange. Niiye olugaga lwange, era tinabbeerengeku nakimo nʼokutya.

EZabbuli 62:6

Niiye yenkani eibbaale lyange omu neebisa era omununuli wange. Niiye olugaga lwange, era naabbanga mucaati.

ENgero 10:30

Abatuukirirye tibasagaasaganenge; neye ababbibabbi, tibalibbeerererawo omu kyalo.

ENgero 10:7

Omutuukirirye bamwebukiryanga ngʼowʼenkabi, neye eriina lyʼomubbimubbi ligota.

AbʼEbbulaniya 6:10

Iye Kibbumba abba mwenkanya buli kiseera, nʼolwekyo tiyeerabire omulimo ogumwakolere. Era tiyeerabire nʼokutaka okumwamulagire okubitira omu bubbeeri obumwawaire, era obumwekalangula okuwa abatuukirirye.